رساله تنحى الى الاخ الفاضل/ حاتم

الاخ الفاضل/ حاتم
بعد سلام الله عليكم ورحمه الله وبركاته
لقد تشرفت بالاشراف على باب الاخبار والرياضه للجميع
فى الفتره السابقه
وكان وسام شرف على صدرى الثقه سواء كانت من طرفكم
او من الاخوة الاعضاء
ولكن لظروف خاصه
اتمنى قبول اعفائى من اى صفه سوى اننى عضو داخل منتداكم الحبيب وسط اخوة واخوات اتشرف ان اكون بينهم
واعتزر عن فبول اى صفه او اى عمل سوى اننى عضو فقط وذلك لظروفى الخاصه
ولكم جزيل الشكر ووافر الاحترام
ولكل الاخوة الاخباب
وان شاء الله استطيع ان اخدم منتدانا يتلك الصورة التى كنت عليها وافضل
اخوكم نور

بصراحه يا ابو حنفى مش عارفه اقولك ايه
تقريبا الاسبوع ده بتاع المفاجأت
ومش لاقيه اى سبب لانك عايز تتنحى عن الاشراف
وطبعا انت عارف كويس انك مشرف مجتهد
ووجودك كامشرف مفيد للمنتدى اد ايه
ياريت لو فى حاجه مضيقاك من المنتدى
توضح لنا لكن حكايه تسيب الاشراف دى
ياريت تراجع نفسك فيها

رساله تنحى الى الاخ الفاضل/ حاتم Elbaghadai-c400d6c0de

هو ايه اللى حصلنا يا جماعه
طيب احنا قلنا اسبابنا علشان الافضل
ومندى قال سببه فى طلب انسحابه
انت المفروض تعرفنا ظروفك ايه
ده حق الاخوات على بعض
وبعدين انت يا ابوحنفى مش مقصر فى الأبواب اللى انت مشرف عليها
بالعكس انت مجتهد فيها جدا
يبقى السبب ايه
ومتهيألى مش ممكن موضوع المأمور ده
لان تفكيرك اكبر من كده
احنا كل اللى يهمنا وجودك طبعا معانا فى المنتدى
وموضوع الاشراف ده قرار بينك انت والأدمن
بس ياريت تراجع نفسك لأنك مشرف مجتهد جدا
كلنا نفتخر بيه
شكرااااااااااااا

اولا
اشكرك جدا نورا
وانتى كمان نيرفين
ولكن لظروف عملى طبعا
وربنا مايجيب اى زعل
الحمد لله
كلنا بنحب بعض ونحترم بعض
---------------------
موضوع المامور دهه
اختلاف فى وجهه النظر فقط والله
لكن ظروفى الخاصه
تمنعنى من تولى اى مسؤليه
وشكرا ليكم جدا على الاهتمام وعلى رايكم فى شخصى

مش عارفه يا ابو حنفي ايه اللي حصل علشان تطلب التنحي ولا علشان انت عايز تعرف قيمتك عندنا
طبعا يا سيدي كنت عضو نشيط واصبحت مشرف رائع
بعد كل ده عايز تنسحب من المنتدي طيب ازاي
يا ريت يا ابو حنفي تفكر كويس وتتراجعك عن كلامك

بالزمه يا ابو حنفي انتي كتبتلي مذكره طويله عريضه علشان ما انسحبش وبعد ما ارجع عايز انت تنسحب من الاشراف طيب ليه
انا عارفك يا ابو حنفي انت قدوه لنا جميعا وكلامك له تاثيره علينا كلنا ولو فيه اي خلاف يتحل بالود والحب والتفاهم وهانوصل لاحسن الحلول
احنا منقدرش نستغني عنك يا ابو حنفي في المنتدي
ارجوك يا اخي ان تراجع قرارك بالتنحي عن الاشراف
لاني انا اتاثرت جدا بكلامك ونداءك ليا بالعوده انت وجميع الاخوه والاخوات الاعضاء وامشرفات تحديدا
ارجو انت تعود عن قرارك في التنحي عن الاشراف
انا بتابع كل خبر بتنزله وبعتبر القسم بتاعك من اهم الابواب الموجوده لانها بتكون نافذه عن العالم الخارجي وبنعرف منها كل جديد

اختى الفاضله/ هدى
كلماتك وشعورك وسام على صدرى
وانا لم ولن استطيع ان اترك بيتى
اه لو تدركى كم كنت قبل ان اشترك فى المنتدى
كانت حياه كلها اشواك وتعاسه وبلا هدف
الان
بعد ان هدانى الله
وجعل لى اخوة فى الله احاول ان اعطيهم قليل من الافاده والسعاده
واحصل منهم
على كل الافاده والسعاده
فكيف اترك اهلى واخوانى واخواتى
اشكرك كل الشكر
وحتى لا بفهم كلامى اننى اطلب ان انسحب من المنتدى
هذا لم ولن يكون ابد ان شاء الله
ولكن
سوف اكون اسعد
عندما اكون عضو فقط معكم
وهذا لظروفى الخاصه
وان كان
البعض يفسرها احتجاج
اقولها صراحه
ليس اختجاج
ولكن ان لم يعجبنى راى اخترمه واخترم صاحبه رغم الاختلاف فى الراى
ولكن
لكل منا افكاره
ممكن بكون الراى المخالف صواب وانا خطىء
وممكن يكون العكس
مع احترامى لكل الاخوة الافاضل الاعضاء
وشكرى العميق لهم
ومعرفتى بمدى شعورهم
هذا القرار
مقتنع به جدا وسعيد جدا له
وان شاء الله سوف اكون كعهدكم بشخصى
اخ لكل الاخوة والاخوات

ليه يا ابو حنفي بتقول كده وعايز تنسحب ليه علشان تكمل سلسله الانسحابات اللي بتحصل في المنتدي
انت مشرف متميز وليك وضعك ازاي تقول عايز تنسحب
يا ريت تراجع قرارك في التخلي عن الاشراف

اخى الفاضل الحبيب / مندى
كم انا سعيد بك دائما وكل همساتك وكلماتك
واشكرك على تقبلك لمشاعرنا الفياضه بالحب لشخصكم الكريم وكل الاخوة الافاضل
ولكن
اخى الحبيب
ان كنت ترغب ان نتحاور بصراحه
ليس المجال داخل المنتدى
ولكن اكتفى بان اقول نعم من حقى ان توليت اى منصب ختى لو كان داخل منتدى
او فى لعبه من الالعاب
ان يكون لى راى ورساله وكلمه
مادمت كلمتى وافعالى مسؤله ومتزنه
-----------------
ولكن
ان كان الامر كذلك
ممكن جدا اكون انا المخطىء وهذا الفكر لصالح المنتدى
ولذلك
انا لست حزين لاننى
سوف اظل كما انا اخ لكم جميعا
ونشاطى كما هو
والحمد لله
انا لا انقل اواكتب سوى ما اكون انا شخصيا سعيد به وجزء من تكوينى
اخوك من هوايات الرياضه جدا
والاخبار والسياسه تسرى فى دمى
فاانا اجد سعادتى فى سماع وقراءه الاخبار ومعرفه كيف يفكر الساسه فى الغرب وكيف يتخبط اهل الولايه فى بلادنا
اشكرك كل الشكر اخى الحبيب
وارجو من الاخوة الاحياب
بالله عليكم عدم التعليق
وانا متاكد من شعوركم ونبل اخلاقكم
ولكن
هذا طلب من الاخ الفاضل حاتم
وان شاء الله ترون
الاشراف افضل وافضل
لان كل عضو داخل المنتدى يحمل الكثير من الافكار والنشاط ولا يقل عن اى مشرف داخل المنتدى
وشكرا لكل الاخوة الاحباب

شكرا ليكى اختى الفاضله / بوسى
على شعورك
واتمنى ليكى السعاده
اخوكى نور

**طبعا ابو حنفي مش محتاج مننا اي كلام لقراره المفاجئ ده,,
**لان ابو حنفي دائما عند مستوي المسئوليه وسيظل دائما هكذا ....
**بس علي فكره يا ابو حنفي انت اتسرعت شويه في طلبك لانك من أكفئ المشرفين واهتمامك بباب الاخبار واضح جدا ,,ونتمني انك تعيد النظر فيما ذكرت وطبعا لانك دائما عند حسن ظننا بك فسوف نتقبل اي قرار منك لاننا نثق في قرارتك .....
**بس طبعا نتمني انك تلغي طلبك ,, وفي انتظار القرار الاخير للمأمور.....

Admin عدد الرسائل : 1869 تاريخ التسجيل : 29/05/2008

اخي وصديقي العزيز ابو حنفي بدايه طلبك بالتنحي عن الاشراف مرفوض
كما احب ان اوضح لك شيئا
عندما قمنا بانشاء مركز المامور وذلك حتي يقوم بالاشراف علي السجن وعلي تنفيذ ضوابط وشروط السجن وعدم مخالفه الاعضاء لها 0 ولم نقم باعطاء للمامور صلاحيات سوي ما ذكر بشروط السجن
وانا معك في انه يجب ان يكون لمامور السجن بعض الصلاحيات في حبس الاعضاء0 واخراجهم وكان من الاولي ان تقوم باقتراح ذلك التعديل بالنسبه لصلاحيات المامور 0
حتي نتمكن من وضع شروط لصلاحيات المامور حتي يكون الاعضاء علي تمام العلم بها ولا نفاجئهم بما قمت بكتابته 0
في النهايه اشكرك ابو حنفي وارجو العوده لاشرافك علي الابواب الخاصه بك لاستكمال مسيره التقدم

اخىالفاضل/ حاتم
اسمح لى من خلالك
ان اشكر اختنا جنا على شعورها الطيب
وكذلك كل الاحوة الاحباب
-------------------------بدايه
كل الشكر لك على كل ماتقوم به من مجهودات داخل المنتدى
وكل الحب لك لانك اهلا لهذا الحب
واشكرك جدا وجميع الاخوة على ثقتهم الغاليه فى شخصى
واتمنى فعلا ان اكون جدير بهذا الحب وتلك المسؤليه
000000000000000000
فعلا انا مخطىء كما ذكرت لك سابقا
اننى فعلا مفروض ان اكتب اليك او اقترح عليك وعلى الاخوة الاعضاء هذا بصرف النظر عن كون شخصى المامور او غيره
فانا اعتزر لك على هذا الخطىء
وبتلك المناسبه
اسمح لى ان اتقدم باقتراح ان يتم تفعيل واعطاء مميزات اكثر لكل مجتهد داخل منتدانا الحبيب باى وسيله تجدها مناسبه
حتى يشعر المحتهد بانه اجتهد ومن يجد نفسه كسلان عسى ان تصيبه حمى الغيره النافعه
فموضوع الافضل من وجهه نظرى المتواضعه عظيم جدا ولكن ليس بكافى لافراز من هو افضل ارجو وضع مزيد من الشروط والمعاير للاختيار اضافيه
----------------------------
ورغم فعلا اننى املك ظروف خاصه صعبه الان
بعد زواجى وكذلك ظروف عملى
لا املك ان ارد طلبك وطلب الاخوة الاحباب فى الاستمرار فى الاشراف
ولكن ارجو المعزرة ان قصرت وهذا اخر مااتمناه ان اقصر فى حق من حقوق اهلى واخوانى واخواتى التى احمل لهم كل الحب وكل الامانى الطيبه
تقبلو تحياتى جميعا واحترامى لشخصكم الكريم
ولا استطيع سوى ان اقول
والله
انى احبكم جميعا فى الله
والسلام عليكم ورحمه الله وبركاته
اخوكم نور

» الاخ الفاضل حسام
» اخى الفاضل اختى الكريمه تمهلو
» رساله شكر
» عدو المراه حاتم رضوان
» هدية الى حاتم لاهتمامه بالشعر