عودة فرعون

جدى فرعون
قام من قبره
وسالنى عن مصرواهلها
قالى:ازيك يا ولدى
قلتله :تسلم ياجدى
قالى : اخبار عيالك ايه؟؟؟؟
قلتله :عيال ايه يا جدى؟؟
قالى :من صلبك وحريمك يا ولدى
قلتله :حريم ايه يا جدى
قالى: فى عهدى اللى زيك يخلف
قلتله : مكنتش اعرف
جدى فرعون
قام من قبره
وسالنى عن مصرواهلها

قالى : مخلفتش ليه يا بنى؟؟؟؟
قلتله : مجاش اوانى لسة
قالى : عمرك كام يا بنى
قلتله : ربع قرن يا جدى
قالى :فى سنك خلفت عشرة
جدى فرعون
قام من قبره
وسالنى عن مصرواهلها
قالى :متجوزتش ليه يا بنى؟؟؟
قلتله : بحوش المهر لسة
قالى : مهر ايه يا بنى؟؟؟؟؟
قلتله:وكمان شقة يا جدى
قالى : شقة ايه يا بنى؟؟؟
قلتله : اللى هتجوز فيها يا جدى
قالى : مصر واسعة وشرحة وبرحة يا بنى
قلتله : ولسة العفش يا جدى
جدى فرعون
قام من قبره
وسالنى عن مصرواهلها
قالى :عايش بتعمل ايه يا بنى؟؟؟
قلتله :بعد النجوم يا جدى
قالى : نجوم السما يا بنى؟؟؟؟؟
قلتله :سما ايه يا جدى
نجوم الكورة والفن يا جدى
قالى: ودول فى انهى مجرة يا بنى؟؟؟
قلتله : فى التليفزيون يا جدى
قالى : تليفزيون ايه يا بنى
قلتله : ده حاجة من الجهاز والعفش ياجدى
جدى فرعون
قام من قبره
وسالنى عن مصرواهلها
قالى: هتجهز امتى يا بنى؟؟؟
فى علم الغيب يا جدى
جدى فرعون
قام من قبره
وسالنى عن مصرواهلها

**في علم الغيب ياجدي.

صديقي العزيز حسام اشكرك علي هذا المضمون الذي تحتويه كلماتك
ولكن بما ان عملك قد جاء ضمن باب شعر وشعراء فمن الواجب ان اقوم بدراسه عملك تفصيليا من الناحيه العروضيه ومن الناحيه البلاغيه 0
اولا:عذرا صديقي فقد غرقت في بحور الشعر حتي اجد وزنا لتلك الابيات ولكن عدت من ابحاري لا احمل اي مقومات للقصيده الشعريه فعملك هذا اقرب للقصه الحواريه و لانستطيع باي حال من الاحوال ان نطلق عليه قصيده شعريه 0
هذا من حيث العروض 0
ثانيا: ناتي للمضمون فقد اسهبت اسهابا كثيرا في توضيح مضمون عملك الا وهو التغيرات التي حدثت بين الامس والحاضر وكان من الاولي والاجدر بك ان تقوم بايضاع عده نقاط لملائمه العمل وتكييفه مع الفكره التي طرحتها من خلال ذلك الحوار القائم بين الجد والحفيد فقد رصدت عده تغيرات من خلال فكره واحده ظلت تتارجح بها يمينا ويسارا 0حيث يشعر المتلقي بملل كبير وهو يغوص في كلماتك0لتكرار بعض الكلمات دون توظيف حقيقي وفعال لها0
ثالثا : من حيث البلاغه : فقد بحثت في عملك عن خيال او جرس موسيقي فلم اجد غير سرد لبعض التغيرات 0
فكان لزاما عليك ان تاخذنا لعالم الجد بخيالنا وليس باقوالك المرسله 0
صديقي العزيز انا اكن لك كل الاحترام والتقدير فانت صاحب كلمه لها ميزانها فلك مني كل التقدير0
عسي ان تتقبل نقدي وان صح

مابلاش تعمل فى جدك كده يا حسام
والله حرام عليك على رائى نيرفين
ده خلاص اتعقد
الخوف بقى احسن تيجى مره تحكى له
تصعب عليه ويقولك تعالى معايا احسن
دى بقى تبقى نصيبه
عموما ماتخفش هو كده كده بعد كلام مندى
اكيد مش هايرجع تانى
...................
بجد يا حسام كلاماتك رائعه
وانا شايفه ان الحكايه مش شعر
اد ماهى فلسفه واسلوب بيميزك
شكرا حسام وربنا يوفقك

ارجو ان تتفهمو راي من منظور اخر
انا اعتراض علي كون العمل به احساس ولكن اين هي مقومات الشعر حتي نجزم يقينا اننا امام عمل ادبي يندرج
تحت مظله الشعر لكونه موجود في باب شعر وشعراء
انا لم اجد بالعمل غير مجرد حوار بين جد وحفيده يفتقد الي كل مقومات القصيده وكان من السهل عليه باضافه بعض
العناصر الخاصه بالقصه القصيره لنصبح امام قصه حواريه رائعه 0
اين الاحساس بالعمل واين هي مقوماته والتي هي عباره عن الخيال والسجع والاستعاره اين الصور الجماليه فعندما تتوفر واحده من تلك المقومات ولم اقل كلها0
ساعتهافقط نستشعر العمل !
عذرا صديقي فقسوتي عليك جاءت من منطلق حبي لك
عسي ان تتقبل نقدي وان صح0

انا بصراحه القصيده ديه عجبت ميدو جدا بس هو زعلان من مندي ولما سالته انت زعلان من ايه يا ميدو قالي اصلي الشعر الجميل اللي كاتبه انكل حسام عجبني ومش عارف مندي بيقول كده ليه وهوفات عليه حاجه مهمه اني الشعر بتاع انكل حسام قصيده شعبيه وسهله ومفاهاش بحر تمش عليه لان الكلام ده في القصيده الفصحي بتاعه انكل حاتم 0
بصراحه يا مندي الواد ميدو عنده حق انا مش عارف انت يا مندي اين ابحرت فعلي حد علمي انا ما كتبه حسام شعر عامي ولا يخضع باي حال من الاحوال لبحور الشعر
وشكرا علي رايك يا صديقي

مشكور حسام على موضوعك الجميل الهادف
فعلا قدرت بكلمات بسيطة سهلة
تعرض فكرة ومشكلة كل الشباب بيعانى منها
وانا بصراحة معرفش فى الشعر اوى
لكن متفقة مع ميدو وماذن ان الشعر الفصحى
هو اللى لازم فيه يلتزم الشاعر بالبحور
اللى غاص فيها مندى
لكن موضوع حسام شعر شعبى او عامى
وفيه فرق كبير بين النوعين
واضح ان فيه لخبطة حصلت لمندى
والله اعلم

هو تقريبا كده يا مازن مندى
كان بيبحر فى جمصه
وانت عارف بقى قنديل البحر
هناك مبهدل الدنيا
وعلشان كده ياعينى
ملقاش اللى كان بيدور عليه
................................
على فكره انا ليه تعليق يا مندى
وياريت تقبلوا انا شايفه ان المنتديات
هى المتنفس الوحيد اللى ممكن نكتب فى
كل ما يخطر فى بالنا بمنتهى الحريه
واظن ان اغلب كتبابتنا بتكون تعبير
حر عن احساسنا
ومفيش من ورها اى غرض تانى
والحكايه ابسط بكتير من
النقد اللى من وجهه نظرى غالبا بيكون
قاسى جدا
اسفه لو كلامى زعلك بس ده رائى
ومش قادره امسك نفسى اكتر
من كده بصراحه

كلمات بسيطه وجميله واحساس رائع
انا اكتر حاجه عاجبتني الربط بين الماضي والحاضر
مشكور استاذ حاتم علي القصيده الرائعه

مشكور حسام علي كلماتك الجميله واسلوبك الرائع