ازاى تبقى غتت وتقرف اللى حواليك؟؟؟

اذا اردت ان تصبح ندلا اتبع الخطوات الاتيه
1-لو كنت في عزومه وخلصت اكل ورايح تغسل ايدك اغسلها وخلص وافتح الميه على الحنفيه السخنه وخلي الميه مولعععععععععععععععععععه واقفلها تاني وشوف اللي بعدك لما يفتحها ايه اللي هايجراله
2-لو واحد صحبك جه يزورك وانت مش بتحبه اعمله شاي بس ماتحطهوشي في فناجين لاه
حطه في كاسات الزبادي واملاها على الاخر علشان مايعرفشي يمسكها ولو عندكوا خدامه مابتعرفشي تعمل شاي خليها تعمله هايبقى ليه مذاق تاني برضه
3-ياسلام باه لو عندك ضيف رخم وغتت وماعندهوش دم وانت عايز تخرج وهو كابس على نفسك زي هادم اللذات خلي حد من صحابك يفضل يرن على موبايلك كل شويه وكلمه كل مره على اساس انه بيطلبك وفي نفس الوقت كلمه اانه واحد مختلف عن اللي قابله وقول((لالا مش هااقدر دلوقتي اصل عندي ضيف وهايمشي بعد عشر دقايق بالضبط))وياريت ماتلبسشي ساعه علشان كل ثانيه تساله هيا الساعه كام لو سمحت((لصاحبك اللي عندك))وماتردش عليه من اول مره لو كلمك اعمل ودن من طين وودن من عجين كانك ماسمعتهوشي
4-ولو كلمك واحد صحبك رغااااااااااااااااااااااااي ومابيبطلشي كلام وانت عايز تقفل اقعد قوله اه الحمد لله
اه لاه اه لاه اه لاه مش عارف يمكن ولو لقيته لسه بيرغي اعمل ان في حد جنبك وانت بتكلمه وإذا مش ناوي يخلص استخدم حيلة الخط المقطوع وقول " ألو ألووووووووو انا مش سامعك الظاهر ان الخط انقطع واقفل السكه
بس لو طلبك تاني قلبي معاك بقى
5-نيجي دلوقتي باه ازاي تجنن ولدتك
لو حبيت تجننها ادخل المطبخ واشرب نص كوباية عصير وكانك ماتقصدشي كب الباقي على الارض ولو ماكنشي المطبخ مفروش يبقى عززززززززز الطلب
وبعدين افتح التلاجه وطلع طبق الفاكهه خد منها حاجه بسيطه وسيب الباقي على النمليه وخد السكريه وانت طالع في ايدك وكوبها على الارض واعمل دربكه كانها وقعت منك غصب عنك وبريء يابيه
ولو عايز تجننها اكتر ولقيتها نامت روح صحيها من النوم وقول لها قومي ياماما حطيلي اتعشى لو سمحتي
ساعتها بيكون الضغط عندها ألف وشويه درجه مئويه
نيجي بقى ازاي تذل واحد من صاحبك هايموت ويكلمك وعايز منك حاجه ضروري قوله
ايووووووووووووووه مش سامعك علي صوتك
ايه؟ايه؟بتقووووووووووووووول ايييييييييييييييييه؟؟وطبعا هاترد على كلمه وطنش الباقي وسيبك منه
وبلاش وجع قلب يااخي

_________________

والله يا مازن انا نفسى اعرف
انت بتجيب االافكار الجهنميه
دى منين ده لو سمعنا كلامك
الناس هاتولع فى بعض من بكره
...................
متعرفش وصفه نخلص
بيها من واحد عمال يخترع فى
مقالب .......
شكرا يا مازن على افكارك
بس النصيبه لاتكون
انت بتعمل كده فعلا

حرام عليك يا مازن ايه الدمار الشامل ده
بس موضوعك دمه خفيف ربنا يوفقك ويا ريت متغبش عننا كتير

ايه يا مازن النصايح اللي تودي في داهيه حرام عليك انت شلتني

مشكور مازن علي النصايح الغاليه ولكن تسمحلي اعمل تعديل شويه اني النصايح دي كلها لو طلعت من البنت هاتكون ليه طعم تاني خالص ( هاتزود الطينه باله)

مش معقول حتي الغتاته وصلت لغايه الام ههههههه
موضوعك دمه خفيف مشكور مازن

مشكور مازن علي موضوعك الجميل