ربة منزل فى قنا رفضت ترك بيتها قبل إزالته فهدمه لودر الوحدة المحلية وقتلها فى حضور المسؤولين

لقيت ربة منزل فى قرية الظافرية التابعة لمركز قفط فى قنا، مصرعها، وأصيبت أخرى بجروح خطيرة أمس، بعد رفضهما ترك منزل صدر قرار بإزالته لبنائه على أرض زراعية، فهدمت أجهزة الإدارة المحلية المدعومة بقوات الشرطة المنزل وهما بداخله.
تلقى اللواء محمود جوهر، مدير الأمن، إخطاراً من اللواء محمد بدر، مدير المباحث، بمصرع آمال حسن أبوالعلا، ٤٥ سنة، وإصابة رضا عبدالمالك، ٣٨ سنة، بجروح خطيرة، فتم نقلها إلى العناية المركزة فى مستشفى قفط المركزى.
كشفت التحريات أن الوحدة المحلية لمركز ومدينة قفط كانت قد شرعت فى تنفيذ قرار بإزالة منزل السيدتين لبنائه على أرض زراعية، لكنهما رفضتا الخروج من المنزل، فبدأ اللودر فى إزالته وهما بداخله مما أدى إلى سقوط أجزاء منه عليهما، فلقيت الأولى مصرعها وأصيبت الثانية.
قال عدد من أقارب المجنى عليهما إنهم فوجئوا بوصول مسؤولى الوحدة المحلية ومعهم لودر، وقوات من الشرطة لتنفيذ قرار إزالة المنزل، وبدأوا فى هدمه مباشرة، رافضين الاستماع إلى توسلات أصحابه.
من جانبه، قال مدير الأمن إن الوحدة المحلية نفذت قراراً بإزالة بعض الأسوار التى أقيمت على أرض زراعية، تمهيداً لتحويلها إلى منزل، وأضاف أن المجنى عليهما ألقتا نفسيهما تحت هذه الأسوار، ما أدى إلى سقوط جزء من السور عليهما.
وتجمهر عدد كبير من أهالى القرية التى تحولت إلى سرادق عزاء كبير بسبب الحادث، وفرضت أجهزة الأمن طوقاً مشدداً حول القرية خوفاً من غضب الأهالى، فيما بدأت النيابة التحقيق وقررت التحفظ على اللودر وسائقه.
-------------------------------------------------------------
اليكم بعض الردود
---------------
ياترى لو المنزل دة بتاع واحد من المسئولين الكبار او تابع مسئول كبير حتى كان حصل كدة . يناس حرام لو الناس العلاببة ماتت مش هاتلاقو حد تحكموه . ولا تجيبوا شعب استيراد . بس بردة مش ها يتطلع طوع زى الشعب المصرى المستعبد من ايام الفراعنة . وسلمى على المترو
-----------------
من الأفضل لمن يود بناء منزل أن يبنيه فى الهواء بعيدا عن قوانين هؤلاء
-------------------
الله يرحم القضاء كان راجل طيب وبرضه الله يرحمك يا ملك فاروق ويرحمك ياعبد الناصر ويرحمك ياسادات هى دى الناس اللى الواحد يترحم عليهم كانوا على الاقل بيحترموا الفقرا لكن دلوقتى اللى ربنا يجعل كلامنا خفيف عليه بيدور على مصلحة رجال الاعمال والاغنياء ودايما بيساعدهم وبيدعمهم علشان هما اللى بيقضوا على البطالة وده على كلامه. المهم هو البيه وكيل النيابة ترك كل المسئولين ومسك فى اللودر ههههههههه عجبى والله ال يعنى اللودر والسواق هما السبب. بجد والله راجل ذوق على رأى المثل ماقدرش على ايه مسك فى ايه والمعنى فى بطن الفيل طبعا ويجعله عامر ياسعادة البيه الله يرحم الست ويشفى التانية وعجبى
-----------------------------------
اقصد هدم المساكن علي الفقراء اكيد ان هذه المراتين ليس لهم مسكن اخر فكان بالاولا ايجاد بديل سكن اخر قبل قرار ا لهدم لكن نقول ايه حكم القوي علي ا لضعيف وحسبي الله ونعم الوكيل
----------------------------
رئيس الوحد المحلية بينفذ امر الازالة يعنى هو نفذ كل الاوامر اللى فاتت ياريت ندور ونشوف ...هنلاقى حاجات كتير متنفذتش .... بس علشان دى ست غلبانه ملهاش كبير كبير ولا محسوبية يدافع عنها فاستعرض عضلاته عليها ...وهو ورئيسة ورئيس رئيسة لحد مل توصل لاعلى رئيس ؟؟؟؟؟؟؟؟؟ لك الله يامة الله ...لك الله يامة الله
-------------------------حسبى الله ونعم الوكبل اخوكم نور

**فعلا ,,الله يرحم القضاء كان راجل طيب ...
**وطبعا مفيش تعليق ,,
*حسبي الله ونعم الوكيل............