انســــــــــحاب

اولا احب اشكرك يا حاتم على
المجهود الهايل اللى اتعمل فى
مسابقه الافضل ويشرفنى ان
اكون من المشاركيين ضمن الاعضاء
المشاركين فى لجنه الفرز
وبشكر كل عضو
اختارنى فى اى مساهمه
ولكن انا حبيت قبل الفرز وقبل اظهار اى
نتائج ان اطلب منك ان اكون خارج مسابقه
الافضل ابتدا من الشهر القادم
بأى صوره من الصور اى كانت سوأ
كانت ترشيح او تصويت
وان كان وجودى فى المنتدى مرتبط
بمشاركاتى فى الافضل
فأ انا ارحب بأى قرار منك
ولك ولجميع الاعضاء كل الحب والاحترام

السلام عليكم ورحمه الله وبركاته
في البدايه اوجه الشكر الي العضوه نورا علي مجهودها ونشاطها المتميز في المنتدي
ولكنى فوجئت بهذه الشكوى المقدمة منك ودون ان توضحى سببا لما قررتى به
ومهما كان قرارك فان الادارة لا ترغم احدا على القيام باى نشاط دون رغبته
فنحن جميعا سواء نعمل ونجتهد من اجل هدف واحد هو تقديم افضل ما لدينا
ولكن كل ما ارجوه منك ان توضحى للسادة اعضاء المنتدى اسبابك فى عدم الاشتراك فى المسابقات القادمة

انا قراءت الموضوع دة بالصدفه

وشدنى كلمه الانسحاب
كنت فاكرها قصيدة جديدة للادمن

........................
بس انا ليا راى فى موضوع انسحابك يا نورا من الافضل الشهر القادم
انا شايف انك مجتهده فى المنتدى بمواضيعك وردودك
وعضوة متميزة
وكلنا اصدقاء فى المنتدى هنا
ارجو منك التفكير فى قرار الانسحاب مرة اخرى
انا عارف ان موضوع الانتخابات دة موضوع صعب على الاعضاء خصوصا المميزون والمجتهدون فى المنتدى
خوفا من سقوطهم فيها
ولكن ما دام انت تعملى وتعطى بصدق
الاعضاء ايضا سيختاروك بصدق


شكرا لك وللادمن انه سمح لى ان اقول راى فى الموضوع

السلا م عليكم ورحمة الله وبركاته
الصديقة الرقيقة العزيزة على قلوبنا جميعا/ نورا
بعد التحية
اعتذر اولا لكى عن التاخر على الرد على رسالتك هذه
وانا اعلم انكى صاحبة القلب الكبير والعقل الواعى
وستقدرين جديا اسباب تاخرى فى الرد
اما بالنسبة لما قررتيه بعد م مشاركتك معنا فى الافضل
متسابقة او عضوة فى لجنة الفرز فانه لايسعنى الا ان اقول لكى
لماذا؟؟؟؟؟ ولما تفضلين هذا الامر عن المشاركة معنا؟؟
ومهما كانت اسبابك ارجو ان تتفهمى شيئا مهما
اننا نتشارك معا فى المصاعب قبل الهينات من الامور
من اجل هدف وغاية جميلة مثلك ورفيعة مثل اخلاقك
هى ان نجعل لنا صوتا يسمع وكلمة ها دفة تقرء
ولا نبتغى من وراء ذلك ارضاء لاحد او مال
او تتويجا او تنصيبا او شهادات افتخار
فنحن اخترنا بمحض ارادتنا ان نصنع شيئا جميلا
يعبر عن ذاتنا الخلاقة القادرة على الابداع
و ليس الامر مجرد تمضية لوقت
فكل منا يملك موهبته الخاصة التى لا تخرج
وترتقى مالم يجد الحافز والمساند
ومهما كانت هنا ك عواقب او سلبيات
فانها ان شاء الله الى الزوال
ارجو ان تتقبلى كلماتى
ولايسعنى فى النهاية الا ان اشكرك واشكر كل اعضائنا
واصدقائنا فى منتدانا هذا
على ما يبذلوه جميعا من مجهود وعناء
واتمنى الا يكون هذا قرارك الاخير
وان تكونى كما عودتينا دائما
العضوة النشيطة المبدعة التى نفخر بها جميعا

وشكرا

بسم الله الرحمن الرحيم
اولا احب اشكر الادمن على ااهتمامه
واشكر المشرف العام
وطبعا كل الشكر الى فارس وابو حنفى
الحقيقه انا مش شايفه ان مسابقه مفيده بالنسبه لى
باى صوره على العكس هى بتشغلنى عن المنتدى
وعن القسم اللى يشرفنى انى اكون مشرفه عليه
غير انى شايفه انها مسابقه تبنى على المجاملات
او مواقف شخصيه
اكثر من الموضوعيه فى الاختيار
وانا عن نفسى عملت لى مشاكل كتير
ومواقف محرجه انا فى غنى عنها
انا طبعا كلامى مش مقصود العموم
ولكن انا بتكلم عن مواقف معينه حصلت معايا
ارجو ان تقبلوا طلبى وتوضحى وللمره التانيه انا
برحب بأى قرار

انا متفقه مع ابو حنفي في كل ما تناوله واذا كان هناك اخطاء
الحل مش اننا ننسحب لاني الانسحاب يعتبر ضعف وانا متاكده نورا انك مش ضعيفه
لازم تفكري شويه نورا

انا مندهشه جدا من موقف نورا ونرفين بيقولو مش عايزين يشاركوفي المسابقه تاني علشان مفهاش موضوعيه مع احترامي الشديد لاخواتي نورا ونرفين انهم يقولولنا الموضوعات اللي كسبت في المسابقه وفي نفس الوقت غير موضوعيه وعلي اي اساس احنا بنحدد
وغير كده انا شايفه اني كل الاعضاء اللي فازو يستحقو الفوز وانهم يكونو الافضل والمسابقه هذا الشهر كانت في منتهي الشفافيه والاختيار تم علي اسس موضوعيه وان كان في بعض المجاملات فده ماثرش علي النتيجه نهائيا

طبعا انا لسه شايف قرار الانسحاب بتاع نور ونرفين بس دورت علي اسباب اقدر اقنع نفسي بيها في الحقيقه دورت وملقتش اي سبب منطقي للانسحاب
ولكن انا معاكي انه بيكون في حساسيه في الاختيارلكن لم تصل الي ان يكون رد الفعل هو الانسحاب والتخلي عن حقوقنا
فصوتنا امانه فلازم نكون قد الامانه ديه ومن الواجب علينا ان نترفع عن هذه الصغائر من الامور التي تجعلنا نسلك مسلكا خاطيء