تعريفات مهمه جدا مينفعش تكون مش عارفها

مقدم عدد الرسائل : 200 تاريخ التسجيل : 05/06/2008

الدستور: هو الشئ الوحيد اللى كلما يتعدل.. البلد يتعوج أكتر
المواطنة: ان توطن نفسك على انه مفيش فايدة
خطاب الرئيس: كلام يكتبه شخص ليقرأه شخص اخر على أشخاص يعرفون ان شخصاً آخر هو الذى كتبه لكنهم يصفقون للشخص الذى يقرؤه
مجلس الشعب: هو الهيئة التى تساعد الحاكم لكى يجلس على الشعب
*******
التحديث: السياسات الحكومية التى تؤدى الى جعل المواطن يمشى فى ربوع الوطن وهو يتحدث مع نفسه
التعددية: حرص نظام الحكم على ضمان تعدد الفترات الرئاسية للحاكم بحيث يستمر فى الحكم حتى يعدد الناس عليه
سيناء: شبة جزيرة حررها المصريون بدمائهم ليمنعوا الاسرائليين من التجول فيها بالملابس العسكرية ولتسمح لهم اتفاقية كامب ديفيد بالتجول فيها بالمايوهات
قانون الطوارئ: القانون الذي يسمح للحاكم باعتقال من يشاء كلما طرأ ذلك على باله
*******
العصيان المدنى: خروج المدنيين لاعلان رفضهم لسياسات الحكومة قبل ان يضربهم الامن المركزى بالعصيان
الصراع الطبقى: صراع الشعب من اجل ازالة الحاكم الذى طبق على نفسه لعشرات السنين
سياسة الإعتدال: قيام الحاكم بالاعتدال على العرش فى نهاية فترته الرئاسية لكى يبدأ فترته الرئاسية الجديدة
الترشيح: الفلتر الذى لابد من استخدامه للتمكن من عصر خيرات البلاد حتى آخر قطرة
*******
اقرار الذمة المالية: تقديم المسئول الحكومى عند بداية شغل منصبه اقرارا يؤكد فيه ان ذمته انتقلت الى ذمة الله
الكسب غير المشروع: قيام الحاكم بكسب رزقة من نهب اموال المشروعات الحكومية من غير ان يركز على مشروع واحد بالذات
التضخم: الحالة التى تصيب الشعب بعد ربع قرن من ضربه على قفاه
العدل: عدل المواطن حتى يأخذ على قفاه بشكل مريح لمن يضربه
*******
السواد الاعظم: هو السواد الذى يشوفه الشعب الذى يسكت معظم ابنائه على استبداد وفساد حكامه
تطوير التعليم: العمل على جعل كل طالب مصري طور في برسيم
سياسة التقشف: تجويع الشعب الى ان يتقشف جلده
اعادة الهيكلة: توفير كل الضمانات الامنية والسياسية لعدم ترك الحاكم لعرش السلطة الا وهو هيكل عظمى
*******
السيدة الفاضلة: السيدة التى تفضل هى وزوجها فى الحكم لأكثر من ربع قرن
حزب الاغلبية: الحزب الذى يذيقك الغلب والذل وتعيش تحت حكمه اغلب فترات حياتك
الانجازات: المشروعات التى تفتتحها الحكومة ويضخمها اعلامها لحد الناس ما تجيب جاز
العالم الثالث: العالم الذى يتم فيه توريث الحكم دون ان يجرؤ الشعب على قول تلت التلاتة كام
*******
الانفراد الصحفى: انفراد بلطجية الحكومة بالصحفيات لهتك اعراضهن على سلالم نقابة الصحفيين
عصر النهضة: العصر الذى ينهض فيه جمال مبارك ليخلف والده على كرسى الرئاسة
النظرية النسبية: النظرية التى ابتكرها اينشتاين وطبقها احمد نظيف بتشكيل الوزارة من مجموعة من النسايب

الف شكر ليكى سالى على تلك التعريفات القيمه
وفعلا عندك حق
من المفروض اننا نكون نعرفها
الف شكر ليكى وبالتوفيق دائما

فعلا سالى تعريفات مهمه جدا
ولازم كلنا نعرفها
علشان اما الشعب يتحرق
دمه ويروح بتعالج على الاقل
نعرف نوصف للدكتور احنا بنعانى
من ايه انا عن نفسى كان دمى محروق وهاموت
بس ماكنتش عارفه من ايه بالظبط
لكن الحمد لله دلوقتى عرفت
ان اللى هايجننى هى
السيدة الفاضلة: السيدة التى تفضل
هى وزوجها فى الحكم لأكثر من ربع قرن
اللهم ارفع مقتك وغضبك عنا
مشـــــــــــــــــــكوره سالى

والله عندك حق يا سالى
مينفعش فعلا نبقى عايشين ومنعرفش
التعريفات المهمه دى
المواطنة: ان توطن نفسك على انه مفيش فايدة
صدقتى والله
ميرسى على افادتك
تصدقى انك ريحتينى
كنت متخيله اننا فى قهر
اتاريه سياسه البلد
وانا اللى طلعت جاهله
العلم نور صحيح
ادى اول درس اتعلمناه فى فصول محو الأميه
اهو ده اللى اهم من تعليم القرايه والكتابه

ميرسى يا سالى يا قمر
بجد موضوعك اكتر من رائع
ربنا يوفقك ياحبيبه قلبى

مقدم عدد الرسائل : 200 تاريخ التسجيل : 05/06/2008

شكرا ابو حنفى ونورا ونيرفين على مشاركتكم فى التوبيك اللى نورتوه بمروركم

» تعريفات ومصطلحات من القرآن الكريم
» نصيحه مهمه للاعضاء
» سوبر هنيدي( مهمه في تل ابيب)
» حزمه برامج مهمه لجهازك علي الانترنت
» هل تستطيع ان تكون كالبحــــر