إلي كل شعوب العالم

مشكور ابو حنفى على كلماتك المعبرة عن الظلم للاسلام والمسلمين

الجماعة الامريكان وديولهم فى غرب اوروبا وطبعا معروف باقى الاتباع والبهلوانات خنقونا اوى يا ابو حنفى ياسكرة ومافيش فى دماغهم غير العرب والاسلام وبيسمونا العدو الاخضر وكان ليهم مقولة معروفة ال ايه بعد ما يخلصو على العدو الاحمراللى هو الاتحاد السوفيتى سابقا على ايدك اليمين وانت طالع من الحرب الباردة ال ايه هيتفرغو للعدو الاخضر بصراحة كلنا فى الجيهة كنا فاكرنهم يقصدو بالعدو الاخضركائنات فضائية ساكنة فى البطروخ ده اللى بعتوليه المعكوك اللى انفجر وهو راجع من رحلته .. باين كدة كان اسمه ديسقرفى والا ابصر ايه مش فاكر..اللى مات فيه واحد اسرائيلى باينه كان نحاسهم .... مطولش عليك .. قول طول.. المهم احنا سمعنا ان الحرب الساقعة بتاعت جوعا كولا خلصت عشان روسيا صحيت الصبح اتفشفشت وبقت 15 حتة واحدة بيضاءوواحدة بلتيق وواحدة عوكرانيا ومن كل اشى اشى.... قومنا خرجنا بالطبول والمراجيح ويومها جه الواد سرسوع والبت الرقاصة ام وسط مخلع وقعدنا نغنى مع الصحافة والاعلان ان العهد الجديد بدء ومن هنا ورايح هتبقى زلابية خالص وقشطة نوفاجىء يا خويا ان الحرب قامت علينا احنا وبيقولوه علينا احنا العدو الاخضر مع ان مافيش حد فى الناحية خالص من الترعة الكبيرة لغاية فوم الخليج ليه فى اللون الاخضر والا بيلبس اخضر يا ريت يا جماعة حد ينبهم ويقلهم ان احنا مش بنحب اللون ده واذا كان ولابد يعنى ومزعلهم ان اشارات المرور عندنا خضرة فده عشان ننظم المرور مش اكتر وعشان خاطرهم ان ممكن نغير الاخضر ده او نلغى الاشارات ده اللى جبتلنا الكافية وخلتهم بيفكرو يقطعو المعونة عننا ويقطعوها ازاى وليه احنا يعنى كنا عملنا ايه؟؟؟ والاختلاف فى الالوان لايفسد للبط قضية
وشكرااااااااااااااااااااا