متزوجون فى المنتديات

طبعا كلنا بندخل منتديات ومن خلالها بنتعرف
على اعضاء كتير وممكن يكون فى حوار
وموضوعات للمناقشه تظهر شخصيه كل عضو
وطبعا المنتديات زى اى مكان مالوش قواعد ثابته
يعنى مش ممكن نقول ان اللى بيدخلوا المنتديات
كلهم ناس كويسه ولا طبعا نقدر نقول كلهم ناس مش كويسه
ولكن السؤال لو كنت زوج ممكن توافق ان زوجتك تشترك فى احد المنتديات
طيب لو اشتركت هاتحاول تراقب ردودها وتعليق الاعضاء على كلامها
ولا هاتسيب الحكايه للثقه المتبادله
طبعا نفس السؤال للبنات ..................لو كنتى زوجه تقبلى ؟؟؟؟؟؟؟؟؟؟؟
وانا عن نفسى هاجاوب بس فى الاخر

ميرسى على موضوعك يا نوراااااا بس انا شايفه انه عادى يعنى انا اقبل ان زوجى يدخل منتدى مادام منتدى محترم وهيطلعنى على الموضوعات بتاعته وردود الأعضاء وهيدينى الباسورد بتاعه يبقى الغلط فى ايه وطبعا انا واثقه فى نفسى وفيه ... ودى اكيد تختلف من امرأه لأخرى...لكن السؤال هو هيدخل منتدى ليه ؟؟؟؟
ايه اللى يخلى الزوج يدخل منتدى مادام شغله واخد وقته ويرجع منه عاوز يرتاح ويريح ذهنه علشان يستمتع براحته فى بيته او يقضى مشاويره ويقابل اصدقائه فيومه كده مشغول متهيألى صعب على الزوج دخول منتديات وان دخل مش هيبقى بصفه دائمه بالعكس هيبقى نادر دخوله...بعكس الشاب بتقل مسئولياته عن الزوج فعنده الوقت الفاضى اللى يخليه يشترك فى منتديات..
اما طبعا عن قبول الزوج ان زوجته تدخل منتدى ولا لأ برضه تختلف من رجل لأخر...
انا زوجه وبدخل منتدى وقبل ما اشترك فى المنتدى كنت بدخل زائره فى منتديات اخرى لكن مش عجبتنى الجرأه اللى فى الردود والموضوعات علشان كده كنت برفض الاشتراك فى اى منتدى لكن منتدانا من اول مادخلته كزائره حسيت بالاحترام بين الاعضاء من الموضوعات والردود وشوفت اد ايه كل اعضاؤه محترمين علشان كده اشتركت وكان ليا الشرف فعلا بمعرفه اعضاؤه... وطبعا الحمدلله زوجى بيثق فيا.. والثقه طبعا مجتش من فراغ ده غيرانى دايما بطلعه على الموضوعات قبل مانزلها وبيشوف ردودى وردود الاعضاء عليا ده غير انى ياعينى دماغه بتصدع من كتر مابحكيله وتقريبا عارف كل الاعضاء من خلال كلامى عنهم...
وقبل ما ارد على الموضوع ده أطلعته عليه وكان رده اهم حاجه الثقه طبعا...
بس برضه عاوزة اقول حاجه مهمه...انا زوجه وبدخل منتدى ليه؟؟؟؟؟
لانى سيبت شغلى علشان اتفرغ لبيتى وقت فراغى كبير ومعنديش اللى ممكن يشغلنى...وده كان اهم سبب خلى زوجى يوافق على فكره اشتراكى بالمنتدى ...لكن لوكانت عندى مسئوليات شغلانى مش ممكن كنت افكر افتح النت اصلا..
لأنى ايام شغلى عمرى مافكرت افتح النت لقله وقتى...
سورى طولت بكلماتى لكن حبيت انقل رأيى من خلال واقعى ...
ميرسى يا نورااااااا على موضوعك ياقمر بصراحه موضوعاتك كلها هادفه ....
ربنا يوفقك ويحميكى ياحبيبه قلبى.......شكرااااااااااا

انا مع راى نيرفين
لانها عايشه واقع احنا مش عشناه لسه
وبشكرها على ردها
وبشكرك نورا على موضوعك الجميل

**بالنسبه لي نورا لازم اثق في زوجي وطبعا هو له حريه الكامله لفعل مايريد طالما اني متأكده انه بيراعي ربنا في كل تصرفاته.....
**والمنتدي طبعا من حقه ان يشترك فيه .......

لواء عدد الرسائل : 1180 تاريخ التسجيل : 30/05/2008

انا معاكي يا جنا لاني فعلا اهم حاجه الثقه المتبادله
وطلاما الزوجه عارفه اني زوجها بيحبها اكيد هايراعي ربنا في كل تصرفاته ميرسي يا نورا علي موضوعك

فعلا زي ما قالت رنا المصارحه بين الازواج بتكون مهمه جدا وبالزات في المواضيع اللي بتكون فيها مشاكل

موضوعك هايل يا نورا فعلا الصراحه بتتبني عليها ناطحات سحاب والخيانه تهدم بيت

موضوعك هايل يا نورا مشكووووره

مشكوره نورا علي موضوعك الرائع

مشكوره نورا علي موضوعك الرائع

انا طبعا لا اثق فى اى رجل اساسا
ولا اقبل انه يجيب كمبيوتر اصلا
بعيد عنكوا الرجاله ملهاش امان
ولو واثقه فيه مش حثق فى اللى بتكلمه
شكراااااااااااا نورااااااااااا

انا لا اوافق اطلقا انى جوزى يشترك فى اى منتدى حتى لو انا وثقه فيهممكن يكون هو اهل للثقه بس انا مش واثقه فى الناس التانيه
بلاش نحط البنزين جنب النار ونرجع نقول ياريت اللى جرى ما كان

» حكم عرض ملابس النساء في المنتديات
» قصه حقيقه بين عضوين ف احد المنتديات؟؟؟
» علمتني المنتديات فماذا علمتكم
» ما رايك فى الحب فى المنتديات [الفارس النبيل ]
» هذه المقاله كتبتها في احدى المنتديات الجزائريه ولاحظت ردود فعل تجاه المقاله في منتهى التعصب والبلطجه تفتكرو انها تحرق الدم ارجو ابداء ارائكم وتعمدت ان اترك لكم اسمى على المنتدى الذي تم طردى منه في اخر المقاله