من زمان
ومن ايام ما كنا صغيرين
كان اللي بيخلع سنانه اللبنيه عشان سنانه المستديمه تطلع مكانها
بيعمل زيه زي كل الاطفال
وياخد السنه اللبنيه بتاعته ويقف ف اتجاه الشمس و يرميها
و هو بيردد العباره التاليه
يا شمس يا شموسه خدي سنه الننوسه وهاتي سنه العروسه(ده طبعا بالنسبه ل البنوتات )
معرفش ايه الصيغه اللي الولاد بيقولوها او يمكن الصبيان بيكبروا دماغهم عن الحاجات دي
ما علينا المهم
ليه الجمله دي بالذات ؟؟؟؟؟؟؟؟
ليه من زمان واجدادنا معلمين العيال الصغيره تقول كده ؟؟؟؟؟؟؟؟؟؟؟
ليه الشمس بالذات اللي الطفل بيسلمها سنته ويطلب منها تجيب له السنه الجديده ؟؟؟؟؟؟؟؟؟؟؟؟؟
أكيد اجدادنا لما علمونا كده كان في مغزى ورا كلامهم ده!!!!!!!!!!!
ده معناه انهم كانوا عارفين ان الشمس لها تاثير على صحه الاسنان
بس ايه العلاقه بين الشمس و الاسنان ؟؟؟؟؟؟؟!!!!!!!!!!!!!
الموضوع ببساطه ان الشمس بتساعد على تكوين فيتامين د
ومعروف ان فيتامين د مهم جدا ف صحه العظام والاسنان
لانه بيساعد على ترسيب الكالسيوم على العضم و الاسنان مما يكسبها القوه والصلابه
لكن كيف يتكون فيتامين د بمساعده الشمس ؟؟
يوجد ف الجلد طبقه من خلايا الملانين التي تفرز ماده تكسب البشره لونها الخاص
هذه الخلايا تفرز ماده دهنيه(ارجسترول)
ولكي تتحول هذه الماده الدهنيه الى فيتامين د لابد من عامل حفاز الا وهو ضوء الشمس
لذا دائما ما ينصح بتعرض الاطفال (الذين في مرحله النمو ،المشي ، وتكوين الاسنان )
بالتعرض للشمس
بس لازم التعرض يكون للشمس الشموسه مش الشمس الحارقه
والشمس الشموسه دي بتكون من وقت الشروق لحد الساعه 9صباحا يالكتير 10
او من بعد العصر كده (ع الساعه 4ونص 5 ) لحد الغروب
لكن ممنوع منعا باتا التعرض للشمس في غير هذه الاوقات لان الشمس ساعتها مش بتبقا شموسه خالص ده بتبقا حااااارقه
وليها تاثيرات جلديه خطيره جدا
عشان كده دايما بينصح اللي بيصيفوا ميروحوش البحر ف الوقت من الساعه 11الصبح لحد العصر لانهم كده هيتحمصوا مش يتشمسوا !!!!!!!!
الإثنين 26 أكتوبر - 7:24 من طرف 
