سته علي الريحه

نبذه عن القصيده
تم كتابتهافي 29/11/1999
وتما تسجيلها بديوان لا وحبي
رقم ايداع 2011135

تتحدث عن 6 اصدقاء كل صديق له اهتماماته

سته علي الريحه
(1)
انا رايح علي الجيش
كان بيقولها
وكل ملامحه
بتهرب منه
سايب حلمه هناك
متعلق
وفي لحظه وداع
حضن دموعه في كبرياء
(2)
الصرخه كانت بصوته العالي
بتدوي في كل مكان
كان هوه نفسه
عايز يعرف ليه
مكنشي باردته صرخته
جواه حلم كبير
مالي عيونه الدبلانين
عايز يعرف
امتا يكون فارس
بسيفه اللي انكسر جواه
(3)
في وسط القاعه
المحشوره بالغلابه
ومن ورا القضبان العاليه
لمح صوره ملاك
وفي عنيه سوال
عايز يفهمه
كان الصمت بينهم طويل
قرب يوصل لحل
لكن صوت الحاجب كان
اعلي من صوته
رفعت الجلسه
(4)
كان قاعد علي سريره
قلقان حيران
كل دقيقه يبص في ساعته
ويسال نفسه سوال
ياتري قالتلي هاسمع صوتها دلوقتي
اصلي انا نسيت
وخدته لحظت تجلي
وغني
الكل انتبه وانسجم
لكن للاسف
رن الجرس وبصوت جاهوري
ترررررررررررررررررررررن
(5)
كان دافن راسه
في وسط همومه
عايز يوصل
ويحل لغز كبير
عايش جواه
ولما ساله صوت غريب
تشرب ايه
رفع راسه وقال
هو انا فين....؟
علامه استفهام
اترسمت علي وشه البهتان
وبسرعه قال
علي الريحه!
وفي وسط مواجعه
انتبه علي صوت جميل بيناديه
كسل يرفع عينه
وباشاره من ايده
اكتملت معالم الصوره
علي جبينه
(6)
كان حاسس بكل كلمه
بتقولها
لما واجهته بالحقيقه
عرف ساعتها
ازاي يكون من غير وش
عايز في سجن
ويا حلم رافض سكاته
ويا احزان بتكسر حنينه
وفجاءه
رمي كل شيء
لما لقا اول كلمه في كتابه
مهزوم
ومقالشي غير كلمه
سحر
وبعدها غمض عينه
وحاول ينسي
*********
وفي لحظه يأس
انتبهو علي صوت غريب
خلاص شطبنا
وزي كل مره وبصوت مسموع
قالو
الحساب بكره
وبعدها
غيمت عنيهم
علي سوال حاير
ملوش اجابه

برافو عليك يا باشا فعلا قدرت ترسم ست شخصيات مختلفين تماما لكل واحدفيهم شكل مختلف عن التانى وده اصعب جزء فى القصيدة للقارىء عشان يقدر يعرف انها بتكلم عن مجموعة اصدقاء واشكرك على اسلوبك والفاظك المعبرة اللى سهلت علينا نفهم شخصيات القصيدة ومشكورجدااااااااااااااااااااا

شكرا على الشعر الجميل وارجو منك كتابتة فى موقعى

انا رايح علي الجيش
كان بيقولها
وكل ملامحه
بتهرب منه
سايب حلمه هناك
متعلق
وفي لحظه وداع
حضن دموعه في كبرياء
الشخصيه دي وصفها جميل ومعانيها اجمل .

جميل جدا ووصف رائع
شكرا جدا وفى انتظار الجديد منك

انا واحد من السته دول يا حاتم
ةبجد قدرت تعبر عن اللي جوايا
بصياغه شعريه جميله
احييك يا صديقي علي الكلام الجميل ده
انا حبيت شخصيتي من وصفك ليها
عادل

حلوه اوى القصيده من حيث تصويرها للاحداث وتجسيدها للشخصيات
مستنيين منك كل جديد

جميل حاتم الوصف اللي صورته لمجموعه من الاصدقاء تربطك بينهم صداقه
بس انا اكتر حاجه عجبتني وصفك للشخصيه الرابعه
كان دافن راسه في وسط همومه
رنا

احييك فعلا علي القصيده ياحاتم وعلي قدرتك في وصف الشخصيات السته واحييك علي وصفك للشخصيه الاولي لانها عجبتني جدا وعجبني وصفك لحالته ............ربنا يوفقك

جميله القصيده حاتم
ولاجمل وصفك لاصدقائك بطريقه
معبره وجميله
مشكوووور

جميله اوي القصيده اللي ببتكلم فيها عن اصحابكيا حاتم
بجد رائعه مشكوووووووووووووور

جميل اوي يا حاتم اسلوبك ووصفك للاصدقاء فعلا كلمات جميله جدا ومعاني لزيزه

مشكور حاتم علي تلك القصيده الرائعه

مشكور حاتم علي هذه القصيده الرائعه وصفك لاصدقاءك خلانا نعرفهم من خلا ل كلامك

شكرااااا ادمن على روعه الاحساس