اطرف التعليقات علي ترشح سعد الصغير لانتخابات الرئاسه

سعد الصغير يستعلم عن ضوابط الترشح للرئاسة على دقات الطبل والمزمار ويقول: الحكومة لم تضع ضوابط للترشح.. وأنا مرشح الغلابة وهراعى مصالح الشعب وهخلى العلاج بالمجان.. ومعى 55 ألف توكيل
الثلاثاء، 3 أبريل 2012 - 13:44


سعد الصغير فى اللجنة الانتخابية

على دقات الطبول وعزف المزمار البلدى حضر المطرب الشعبى سعد الصغير إلى مقر اللجنة القضائية العليا المشرفة على انتخابات رئاسة الجمهورية للاستعلام عن أوراق وضوابط الترشح لانتخابات رئاسة الجمهورية، دون أن يسلم أى توكيلات لمقر اللجنة نظرا لعدم استيفائه الأوراق.

وكان قد سبق سعد فى الحضور فرقة مزمار بلدى وعدد من أنصاره، رافعين لافتات تحمل صورته ومكتوب عليها "أنا مش همشى بحراسة أنا مرشحكم للرئاسة أخوكم سعد الصغير"، وصور صغيرة له مكتوب عليها "سعد سعد يحيا سعد".

وحضر سعد إلى مقر اللجنة وسط عدد من حراسه الشخصين، وقبل دخوله إلى مقر اللجنة استوقفه أحد المواطنين صارخا "أبوس على رجلك اسمعنى متترشحش حرام عليك اللى أنت بتعمله ده"، وقال سعد لحراسه الشخصين سيبوه وسيبوا أى حد عايز يتكلم وتوجه إلى مقر اللجنة، وسط حشد من وسائل الإعلام العربية والأجنبية.

وقال سعد عقب خروجه من اللجنة أنا مش أقل من أى حد أترشح واللى بيحصل قدام اللجنة أنا مليش ذنب فيه اللى عايز يلوم اللى بيحصل قدام اللجنة يلوم الحكومة، لأنها موضعتش الضوابط على الترشح لرئاسة الجمهورية، فخلت أى حد زى التربى والحانوتى وأبو شبشب يترشح، الحكومة هى اللى استهونت بمنصب الرئاسة.

وعن برنامجه الانتخابى، قال سعد أنا مغنى ومش بفهم فى السياسة لكن هجيب واحد معايا يفهم فى السياسة أنا مطرب ولما غنيت الناس عرفتنى ووصلت للى أنا فيه، أنا هكون مرشح الغلابة وهراعى مصالح الشعب وهخلى العلاج بالمجان ومقولتش أنى هدى توك توك لكل مواطن.

وأعلن سعد أنه خلال 48 ساعة سوف يعقد مؤتمرا صحفيا يعلن فيه عن من ساعده فى جمع الـ55 ألف توكيل التى حصل عليها ومن دفعه للترشح للرئاسة، وكذلك تفاصيل برنامجه الانتخابى.
وقال سعد أثناء حديثه إن الإخوان لو مشيوا بما يرضى الله هنمشى معاهم، وأى رئيس جاى لازم أديله التعظيم حتى لو كان مبارك، ثم توجه عقب ذلك إلى سيارته ليخرج من سقفها ممسكا ببعض التوكيلات التى حصل عليها، لالتقاط الصور التذكارية.

ووسط هذا الكم الهائل من وسائل الإعلام، حضر شخص يدعى عصام عبد المحسن حافظ الذى قدم نفسه أثناء استعلامه عن ضوابط الترشح للرئاسة فى وقت سابق، على أنه المهدى المنتظر، ليشهر أمام اللجنة كمية من مواد تشبه "الحشيش" و"الحبوب المخدرة" مسميا كل نوع من هذه المخدرات باسم مرشح بارز من مرشحين الرئاسة.

وعلى الفور قامت قوات الأمن بإلقاء القبض عليه واصطحابه إلى مقر قسم شرطة مصر الجديدة وسط حشد من وسائل الإعلام التى قامت بتصوير الواقعة، وغضب كبير من عدد من المواطنين المتواجدين أمام مقر اللجنة على الصورة التى خرجت بها انتخابات رئاسة الجمهورية حتى الآن.






















تعليقات (89)

1

هي مصر هانت عليكوا اوي كده


بواسطة: hoss
بتاريخ: الثلاثاء، 3 أبريل 2012 - 13:53

ليه بتعملوا كده ليه دايما مفاهيم الحريه فيها خطأ عندكم مش معني الحريه والدميوقراطيه انكوا تعملوا كده وتشوهوا صورة مصر وصورة الثورة قدام العالم كله ليه كده بقي بعد ماالعالم كله اندهش من الثورة تشوهوا صورتها بالمنظر ده وهل بعد ان قامت الثورة يتولي مصر مغني وراقص اتقوا الله فينا وفي مصر حرام عليكوا يامصريين حرام عليكوا والله الواحد كل يوم بيبكي داخليا من المناظر اللي بنشوفها رايحه تسحب اوراق الترشح دي والاعلام بيدعمهم بنشر صورهم وعمل لقاءات معهم حسبي الله ونعم الوكيل فيكوا ومتزعليش يامصر حقك عليا


2

خسارة فيك التعليق بس اهوو يلا


بواسطة: فعلا العيب على الحكومه
بتاريخ: الثلاثاء، 3 أبريل 2012 - 13:55

الا سمحت لاشكالك انها تتكلم كده وانها فعلا محتطش ضوابط على المرشحين للرئاسه معدش الا انت يا بتاع الموالد يا عريان يا بتاع الحوارى انت والشويه الحوش الا حوليك مصر بلد لها سياده فوق راس العالم كله ومصر ميشرفهاش انك تكون واحد من اولادها الشرفاء او ممثلينها الرجال انشرى يا استاذه هبه


3

يحدث الان فى مدينة الرحاب


بواسطة: عمرو نشأت
بتاريخ: الثلاثاء، 3 أبريل 2012 - 14:04

ضابط شرطه لم يجد مكانا لممارثه غرائزه الوحشيه مع فتاه ساقطه سوى فى سياره حمراء بدون لوحات معدنيه زجاج فاميه وبجواراره سيارات الجيش المصفحه والعربات والجنود وحدث هذا فى البارك الموجود امام مجمع البنوك وقام احد الاشخاص بأعتراضه فهدده بالسلاح الميرى الخاص به ثم جاءت سيارة الشرطه والاتجاه الان الى (الكوسه)يعنى يطلعوه منها



4

ملامح البرنامج الانتخابي ........


بواسطة: amr yaseen
بتاريخ: الثلاثاء، 3 أبريل 2012 - 14:17

طبلة وزمارة وكمان رقاصة لكل مواطن
والله أنا مش مصدق , معقول احنا وصلنا للدرجة دي؟؟؟؟؟
وانا مش بعبيب عليه , انا بعيب على ال........... ................... اللي عمله توكيل .


5

على وزن مقولتك الشهيرة - مين اللي ضحك عليك وفهمك إنك شخصية محترمة


بواسطة: أسامة
بتاريخ: الثلاثاء، 3 أبريل 2012 - 14:22

من الآخر حكم مصر مش لأمثالك...........


6

مصرى


بواسطة: مصـــــــــــــــــرى
بتاريخ: الثلاثاء، 3 أبريل 2012 - 14:22

بيفكرنى بفيلم عاوز حقى بتاع هانى رمزى لما كاريكا قاله النسبه عدت يا معلــــــــم

كده بتلون وكده بتلون والكل سيربح المليون

ولا يوم من ايامك يا ................عبد الناصر

اصلى يا رياسه


7

فتشوا عن السر


بواسطة: نوار
بتاريخ: الثلاثاء، 3 أبريل 2012 - 14:23

اظن ليس من المعقول ان يفكر هذا المطرب مطرب الراقصات فى ترشيح نفسه من عقله لابد انه توجد قوى خفية تريد ان تظهر تفاهة المشهد السياسى فى مصر؟؟؟؟؟؟؟؟؟؟؟؟؟؟؟؟؟


8

هيغنى للحمير


بواسطة: طالب
بتاريخ: الثلاثاء، 3 أبريل 2012 - 14:25

هيغنى للحمير الى فى البلد
العدل اساس الملك
مفيش حد احسن من هشام البسطويسى
لا تقلى شاطرون ولا حازمون ولا كادبون ولا منافقون


9

اومال فين دينا


بواسطة: محمد
بتاريخ: الثلاثاء، 3 أبريل 2012 - 14:25

ما ختش دينا معاك ليه كانت عملتلك شغل انما ايه اه يا امة ضحكت من جهلها الامم


10

يا عم سعد (الصغير) صحيح (الصغير) صغير


بواسطة: ُEmad
بتاريخ: الثلاثاء، 3 أبريل 2012 - 14:31

متهبب فوق


11

كملت


بواسطة: حسام
بتاريخ: الثلاثاء، 3 أبريل 2012 - 14:40

يا ترى مين الى عليه الدور و يترشح


12

على الأقل أفضل من مرشح حزب النصب والنداله


بواسطة: مصرى
بتاريخ: الثلاثاء، 3 أبريل 2012 - 14:42

من هو الشاطر :
هرب الى السعودية – من مصر – في عام 1981 حيث افتتح شركة ذات نشاط وهمي ليستولي على مبلغ وصل الى 17 مليون ريال تحت مسمى توظيف اموال»!! «عاد إلى مصر في عام 1986 وافتتح شركة – وهمية – اخرى اطلق عليها اسم.. سلسبيل.. مع ثلاثة مطاوعة من الاسلاميين، وتحت الشعار الاسلامي نفسه استولى على مبلغ 35 مليون جنيه من اموال المصريين البسطاء الذين صدقوه»!!.. «اعتقله اللواء عمر سليمان – نائب مدير المخابرات في ذلك الوقت – واودعه السجن، وقضى بداخله عدة سنوات، ثم خرج وعاد ودخله بتهمة انشاء ميليشيا عسكرية تابعة للاخوان قامت بإجراء استعراضي – شبه عسكري – لقدراتها في حرم جامعة الازهر ليقضي في السجن ثماني سنوات، خرج منه – قبل ايام – بعفو خاص من رئيس المجلس العسكري المشير طنطاوي، ليتم ترشيحه لمنصب رئيس الجمهورية من قبل جماعة الاخوان حتى يسرق مصر كلها، بأهراماتها ونيلها وسدّها ومحافظاتها ومدنها وقراها وكفورها ونجوعها.. وترابها


13

الانفصال


بواسطة: سامى
بتاريخ: الثلاثاء، 3 أبريل 2012 - 14:43

انا شايف انك تدعم حركة تمرد للانفصال بشارع الهرم وتقيم دولة جديدة فيه حتى تكون رئيس القواديين والراقصين يامخنس هى وصلت لهذا المستوى المتدنى لعنة الله عليك


14

وحشتينى يا مصر


بواسطة: الواثق بالله
بتاريخ: الثلاثاء، 3 أبريل 2012 - 14:43

العيب ليس عليه وإنما العيب على من أعطو له التوكيلات ولكن هنقول أيه (( الطيور على أشكالها تقع ))


15

مهلبية


بواسطة: أبو حبيبة
بتاريخ: الثلاثاء، 3 أبريل 2012 - 14:46

وإنشاء اللة يا سي سعد لما تكسب هجيب( دينا )رئيسة وزراء اللة يخرب بيوتكم


16

حررررررررررررررررررررررررررررام


بواسطة: شريف المصرى
بتاريخ: الثلاثاء، 3 أبريل 2012 - 14:49

فى ناس ماتت فى حرب اكتوبر علشان فى الاخر يحكمنا حسنى واعوانة وفى ناس ماتت فى ثورة يناير علشا يحكمنا سعد واشكالة لكى الله يامصر


17

الراجل طلع وقال ياجماعه دى كذبة ابريل 2012


بواسطة: محمد
بتاريخ: الثلاثاء، 3 أبريل 2012 - 14:50

يعنى هو ملهوش نفس يكذب ويهذر هو كمان

والسلام عليكم


18

الاسما عيلية


بواسطة: ابراهيم احمد
بتاريخ: الثلاثاء، 3 أبريل 2012 - 14:52

مفيش غير السرس لايمسكون الرءاسة


19

خذوا الحكمة من أفواه المجانين و ....


بواسطة: مصري قرفان
بتاريخ: الثلاثاء، 3 أبريل 2012 - 14:53

"اللى عايز يلوم اللى بيحصل قدام اللجنة يلوم الحكومة، لأنها موضعتش الضوابط على الترشح لرئاسة الجمهورية، فخلت أى حد زى التربى والحانوتى وأبو شبشب يترشح، الحكومة هى اللى استهونت بمنصب الرئاسة" يسلم فمك .. بس يا ترى لو كسبت حتعين دينا نائبة


20

يلا خلي البلد تمشي على واحدة ونص


بواسطة: زينب
بتاريخ: الثلاثاء، 3 أبريل 2012 - 14:57

عظمة على عظمة يا سعد


21

اتقو ا اللة


بواسطة: احمد حسن احمد
بتاريخ: الثلاثاء، 3 أبريل 2012 - 14:58

اتقوا اللة في مصر ام الدنيا حرام علينا نهيين المنصب



22

مصر متستهلش كده


بواسطة: essam
بتاريخ: الثلاثاء، 3 أبريل 2012 - 15:00

لازم نشوف ال 55000 توكيل و نمنع ؟أصحابهم من ترشيح رئيس الجمهورية القادم لأن دول ناس مصر هانت عليهم .
وعلى فكره مش بس لازم يكون فيه شروط للمرشح ده لازم كمان يكون فيه شرط للشخص القائم بالترشيح لازم يبقى فيه ضمير .


23

حبيب الحمار يترشح للرئاسة


بواسطة: محمد
بتاريخ: الثلاثاء، 3 أبريل 2012 - 15:00

نعم لحبيب الحمار
خللى الشعب يضحك شوية


24

مبقاش غير الصيع والراقصين


بواسطة: magdyy76
بتاريخ: الثلاثاء، 3 أبريل 2012 - 15:02

مهيا بقت هفيه لكل واحد يروح يرشح نفسه ... أنا لو هفي كنت قلت اشمعنا بقي انا كمان ما اروح اجرب حظي يمكن البلية تلعب معايا قدام بقي الترشيح من غير ضوابط فى سحب استمارة الترشح ............... الرجاء لمجلس الشعب والجهات المختصة وضع ضوابط عشان كدة بقت العملية هفيه لكل من هب ودب قصدي (لكل رقاص ورقاصه)


25

نخلص من حرامى ندخل على العولمية


بواسطة: علاء طلب
بتاريخ: الثلاثاء، 3 أبريل 2012 - 15:03

مش حاجة تقرف بجد وخسارة فيك التعليق

البرنامج الانتخابي



طبلة وزمارة وكمان رقاصة لكل مواطن
والله أنا مش مصدق , معقول احنا وصلنا للدرجة دي؟؟؟؟؟
وانا مش بعبيب عليه , انا بعيب على ال........... ................... اللي عمله توكيل .




.

احنا في انتظار اعلان الراقصه دينا وسما المصري

ترشحهم للانتخابات الرئاسيه

واول مشروع هايفتتحوه

مشروع هز الوسط وكمان هاتوزع بدله راس لكل ست