استطلاع راي يكشف رفض ترشيح المشير وردود افعال شباب الفيس بوك

رفض نشطاء الشبكات الاجتماعية البيان الذى أصدره ائتلاف "مصر فوق الجميع"، بشأن حملة ترشيح المشير حسين طنطاوى، رئيس المجلس الأعلى للقوات المسلحة، رئيساً لمصر، وتصاعدت ردود فعل الكثيرين على الحملة، معلنين رفضهم القاطع لترشيح المشير أو أى شخصية تنتمى للمؤسسة العسكرية لمنصب رئيس الجمهورية فى أى انتخابات قادمة.

وهدد النشطاء بالخروج فى ثورة جديدة إذا تم ترشح المشير فى انتخابات الرئاسة، وأطلق النشطاء على "فيس بوك" استطلاعاً لقياس رغبات المشتركين فى شبكة التواصل الاجتماعى حول مدى قبول المشير كمرشح للرئاسة، أكد رفض الفكرة من أساسها، مبررين رفضهم بأن ثورة يناير خرجت لتنهى سيطرة المؤسسة العسكرية على الدولة منذ ثورة يوليو 1952، وأن مطالبهم تمثلت فى دولة مدنية يحكمها رئيس مدنى.

كما دشن نشطاء "فيس بوك" حملات مناهضة لحملة ترشيح المشير لتأكيد رفض ترشح أى شخص عسكرى لرئاسة مصر، حتى وإن كان المشير طنطاوى، قائلين: "انتخب المشير مش هتحس بالتغيير".

وعلى شبكة التواصل الاجتماعى "تويتر"، دشن النشطاء حملات ساخرة لرفض ترشيح المشير محمد حسين طنطاوى مرشحاً لرئاسة الجمهورية، مؤكدين أن من يقف وراء الحملة "فلول الوطنى"، معتبرين أن منسق حملة المشير يشبه مجدى الكردى، المنسق السابق لحملة ترشيح جمال مبارك "المحبوس"، قائلين: "ائتلاف ترشيح جمال مبارك (مجدى الكردى) يعود فى نيولوك.. لترشيح المشير طنطاوى رئيس الجمهورية" و"الظاهر أن الفلول لقوا الشغل مع مبارك خلاص مش جايب همه فقالوا ننقل بقى على المشير بس بعينهم.. والله نعمل لهم ثورة تانية".

وواصل النشطاء انتقادهم قائلين: "حملة لترشيح المشير طنطاوى لرئاسة الجمهورية تحت شعار "مطلب شعبى للاستقرار".. ويطلع يقول لم أكن أنتوى الأول.. وبعدين يرضخ للإرادة الشعبية"، و"العسكر أكدوا أكثر من مرة أنهم غير طامعين فى السلطة، والدليل على ذلك بداية حملة تلميع المشير على بعض القنوات الفضائية وحملة جمع أصوات التأييد"، و"العفريت اللى لزق صور جمال مبارك زمان على الحيطان.. طلع ولزق صور المشير رئيسا لمصر! عبيط ده ولا أيه.. حد يقوله الثورة مستمرة وحاتكمل".



تعليقات (93)

1

و انتوا مالكم


بواسطة: شريف همام
بتاريخ: الأربعاء، 26 أكتوبر 2011 - 19:20

ارفضوا زي ما انتم عايزين ...المفروض اللي بينادي بالديموقراطية ...يرحب بأي ترشيح و يسيب الحكم للشعب و اللي يختاره اغلبية الشعب هو اللي يكون ...ديموقراطية تفصيل


2

مللنا


بواسطة: المصري ايوب
بتاريخ: الأربعاء، 26 أكتوبر 2011 - 19:25

لسه تاني مطلب شعبي خلاااااااااااااااااااااااااااااااااااااااااااااااااااااااااااااااااااااااااص شبعنا


3

ياريت


بواسطة: مصرى
بتاريخ: الأربعاء، 26 أكتوبر 2011 - 19:27

لن يستقر حال مصر فى هذه الاحداث الا اذا حكمها رجل عسكرى مثل المشير فهو من الشخصيات المصرية التى ثبتت انها شخصيه وطنيه من خلال وقوفه فى صف الثوره ضد النظام بجبروته فهو خيرا للرياسه المصريه والمشير له مواقف كثيره فى عهد النظام البائد تدل انه يخاف على مصلحة هذا الوطن.


4

ليه نخاف


بواسطة: raouf
بتاريخ: الأربعاء، 26 أكتوبر 2011 - 19:27

انا مش فاهم ليه بنخاف من الديمقراطيه انا مش عاوز المشير ولا حاجه لاكن انا باشوف لما حد يقول حاجه عكس تيار المدونين على النت بنلاقيهم مش عاوزين حد يتكلم ولا يقول راى مخالف لافكارهم
هو لو المشير قلع الميرى واستقال مش كده اصبح مدنى ولا انا مش فاهم
هو لو احمد شفيق رشح نفسه مش هو مدنى ولا انا مش فاهم
هو لو عمر سليمان رشح نفسه هو عمر سليمان مدنى ولا انا مش فاهم
هو لو انا رشحت نفسى ابقى مدنى ولا انا مش فاهم على فكره والله انا مدنى ومدخلتش الجيش حتى لانى وحيد وادى وليس لى علاقه بيهم لاكن انا مش فاهم همه عاوزين ايه وعاوزين مين انا عن نفسى اتمنى عبد المنعم ابو الفتوح يكون رئس الجمهوريه



5

ايه المشكله


بواسطة: hatem
بتاريخ: الأربعاء، 26 أكتوبر 2011 - 19:30

فين الحريه وفين العدل ايه المشكله هو مش مصرى ومن حقه والصندوق يكون فاصل


6

زهقنا من مرشحى الفضائيات


بواسطة: مصرى مغترب
بتاريخ: الأربعاء، 26 أكتوبر 2011 - 19:37

انا مع ترشيح اى شخص يجد فى نفسه الكفاءة والاختيار للشعب .. بصراحة لااحد من الموجودين على الساحة يصلح لحكم مصر او حتى يصلح لان يكون عمدة قرية .. لافكر ولا خطط ولا استراجيات .. المهم فقط الكلام فى الفضائيات للتلميع والهجوم المستمر للمجلس العسكرى .. ووضعه فى مشاكل .. ولو ان احدهم تولى حكم مصر سنجده اشد ديكتاتورية من مبارك ... اخيرا الله يولى من يصلح .


7

خلوا بالكم يا شباب الفتنة الجديدة


بواسطة: اشرف
بتاريخ: الأربعاء، 26 أكتوبر 2011 - 19:42

كله ياخد بالله دى موجة جديدة ومحاولة جديدة الاثارة الشعب على الجيش ياريت نكون واعيين نداء ال كل الشعب اوعوا تقعوا فى الفخ


8

يبدو ان سعد زغلول


بواسطة: د. محسن بدوى
بتاريخ: الأربعاء، 26 أكتوبر 2011 - 19:46

يبدو ان سعد زغلول كان مدركا للامور ولحالنا عندما قال لزوجته...." غطينى وصوتى... مافيش فايده"


9

بالعكس


بواسطة: المصري الاصيل
بتاريخ: الأربعاء، 26 أكتوبر 2011 - 19:48

بالعكس هو انسب واحد للمرحلة الاولي. راح يبقي علي الاقل فاهم الامور ماشية ازاي . وهتبانا قي صلتته قوية بالجيش. وبعدين هيا كلها 4سنوات .وابقوا هاتوا اللي يعجبكم من بعده.


10

وهي الثوره موش جاءت بالديمقراطيه؟؟؟؟؟؟؟؟؟؟؟؟؟


بواسطة: محمد
بتاريخ: الأربعاء، 26 أكتوبر 2011 - 19:51

يبقي الصناديق هي اللي تتكلم
انا موش فاهم , هو فين المشكله؟؟؟؟؟؟؟؟؟


11

المشير مش هيرشح نفسه


بواسطة: افهمووووووووووووووووووووووو
بتاريخ: الأربعاء، 26 أكتوبر 2011 - 19:51

الراجل اذكا من كده \\\\\ وهيسلمها مدنيه وده فتنه \\\\\\ والايام بيننا


12

إئتلاف مصر فوق الجميع


بواسطة: فؤاد المصرى
بتاريخ: الأربعاء، 26 أكتوبر 2011 - 19:52

أنا مش عارف أى شيئ عن مايسمى ( إئتلاف مصر فوق الجميع ) لكن شكله ولهجته فلوليه تشبه علشان مستقبل أولادك و و إئتلاف روكسى وإئتلاف ميدان مصطفى محمود والكلام بتاع الحزب الوثنى المنحل ريحته طالعه فى الكلام وهتلاقى معلقيين اللجنة اللألكترونية شغالين نار دلوقتى


13

مصر فوق الجميع


بواسطة: مصري
بتاريخ: الأربعاء، 26 أكتوبر 2011 - 19:53

ههههههههههه طب انتو بتنادو بالديمقراطيه والحريه ازاي
انا وغيري كتير عاوزينها عسكريه 100 في 100
انظف ناس هما القوات المسلحه
وبعدين ايه يعني كلمه نشطاء دي
والله كلهم ساقطين اعداديه ويمكن ماراحو كتاب عطا القديمه


14

لون نفسك


بواسطة: مش عاجبها الوضع
بتاريخ: الأربعاء، 26 أكتوبر 2011 - 19:53

كده بانت لبتها؟؟؟؟؟؟؟؟؟؟؟؟؟؟؟؟؟؟؟و عرفنا قيمة الكرسى؟؟؟؟؟؟؟؟؟؟؟؟؟


15

مين قال


بواسطة: محمد اسكندرية
بتاريخ: الأربعاء، 26 أكتوبر 2011 - 19:53

مين قال ان المشير ناوي يرشح نفسة للرئاسة وبالفعل هي فتنة للوقيعة بين الجيش والشعب وبصدق المشير سيسلم البلاد لرئيس منتخب مدني


16

رساله صادقة للمشير


بواسطة: مصرى
بتاريخ: الأربعاء، 26 أكتوبر 2011 - 19:54

من مواطن مصرى الى (المشير ) اقول لك ان كل الشعب المصرى يحترمك ويحترم المجلس العسكرى كله ويقدر موقفه من الثوره لكنه لن يسمح بعدم تحقيق مطالب الثوره او الالتفاف على الشرعيه التى يعطيها الشعب وحده لمن يريد و ان حاول احد اختطاف الثوره فلن يجد الا اضعاف مضاعفه من الاعداد التى شاركت فى الثوره فى كافه ميادين الجمهوريه ولن يفتر حماس المصريين ان كنتم تراهنون على الوقت


17

اوعى تفكر تعملها


بواسطة: احمد
بتاريخ: الأربعاء، 26 أكتوبر 2011 - 19:54

سيبك من كل الكلام اللى بيقولوة انت استقرار البلد وانت الامان ده كلام فارغ الشعب تعلم الدرس ولن يقبل حكم العسكر وا اوعى تفكر تعملها


18

المشير هو الصح


بواسطة: givara
بتاريخ: الأربعاء، 26 أكتوبر 2011 - 19:56

مع انني من الناس اللي بينادو بالديمقراطية بس هو ده الحل طالما عندنا السلفيين والجماعات الاسلامية


19

الدمقراطية


بواسطة: جاسر
بتاريخ: الأربعاء، 26 أكتوبر 2011 - 19:56

ونعم الدمقراطية ( الأقنعه للأحذاب تتصاقط والشعب موهوم بالدمقراطيه )


20

ليت الجمبع يطلب التفويض لانه طوق النجاه


بواسطة: حمدى زكريا
بتاريخ: الأربعاء، 26 أكتوبر 2011 - 20:02

تفويض من الشعب إلى الجيش "
بهذا أوافق على تفويض القوات المسلحة المصرية ممثلة فى المجلس الأعلى للقوات المسلحة المصرية لإدارة البلاد لمدة ثلاثة أعوام مع تعيين رئيس المجلس الأعلى بسلطات رئيس الجمهورية الكاملة غير المنقوصة لحفظ الإستقرار والسلم والأمن على ربوع مصر وضمان عبورها لكل المخططات التى تحاك ضد مصر والمصريين . كما أوافق على فرض حالة الطوارىء خلال نفس الفترة مع إعطاء كافة الصلاحيات لرجال الشرطة والأمن الوطنى لمواجهة الإنفلات الأمنى المتفشى فى البلاد من أقصاها إلى أقصاها وعدم خضوعهم لأى مسائلة من أى جهة كانت بسبب ماقد يترتب على المواجهات التى ستحدث بينهم وبين أى من كان يحاول الخروج على سلطة وهيبة الدولة المصرية. كما أوافق على تجريم أى إعتصام لأى جماعة تزيد عن المائة فرد ولأى سبب مع السماح بإعتقالهم فورا وإيداعهم المعتقلات إذا لزم الأمر وذلك بعد إجراء التحقيقات القانونية معهم ووفقا لقانون الطوارىء. وأوافق على خضوع كافة وسائل الإعلام للرقابة المباشرة أو الإنتقائية مع تجريم نشر أى أخبار فى أى وسيلة إعلانية أو التعليق عليها تؤدى إلى تأجيج العداوة أو البغضاء بين المصريين أو تكون حالة من البلبلة والتخبط فى الشارع المصري ، وإعتقال أى صحفى يثبت بعد التحقيق معه تورطه فى إشعال نيران الفتنة بين الناس . هذا التفويض صدر منى وأنا فى كامل قواى العقلية بعدما تيقنت من أن عدد كبير بالساحة السياسية لا يهمهم إلا مصالحهم الشخصية فقط ، وأن الكثيرين منهم بمثابة مخلب قط للعديد من الدول الأجنبية ولجماعات سياسية تريد لمصر ألا تخرج من كبوتها أبدا ، وتريد لنا أن نستمر فى تخبطنا حتى يفعلوا بنا ما فعلوه بالعراق والسودان من تقسيم وتقطيع. حمى الله مصر وشعبهاوجيشه.





21

دكتاتورية النشطاء


بواسطة: مكى
بتاريخ: الأربعاء، 26 أكتوبر 2011 - 20:02

ليس من حق احد ان يرفض ترشيخ اى شخص مصرى فى اى مجال , والرأى النهائى لاغلبية المصريين يختارون من يرونه مناسبا . اما من يقال عنهم نشطاء الفيس نوك وتويتر ومن هم على فكرهم انما يريدون ان لا يخالف احد هواهم وهم اقلية , وياليتهم يتخلوا عن تعصبهم لرأيهم لان عامة الشعب اصبح يشك فيهم وسيفعلون عكس مايريدون هؤلاء النشطاء وأظنهم ليسوا لهم اى نشاط سوى الصفصتة الفارغة من كل معنى وقيمة


22

نعم للمشير


بواسطة: ايمن المصرى
بتاريخ: الأربعاء، 26 أكتوبر 2011 - 20:04

نعم للمشير


23

المطلوب


بواسطة: رافت
بتاريخ: الأربعاء، 26 أكتوبر 2011 - 20:05

احنا للاسف لحد الان لانرى اى برنامج لاى مرشح ياترى هم مخلينها مفجأة للشعب والله انا اتعجب ان كل المرشحين لاينتمون لاى فكر واضح كلهم همهم بس انهم يكونوا رؤساء ياترى ايه فكرهم الله اعلم ايه برنامجهم للنهضة بمصر الله اعلم يظهر والله اعلم انهم فاكرينها وظيفة خالية وهم بيقدموا للوظيفة وهم موش عارفين ان دى رئاسة دولة وشعب تعداده 85مليون فرد واحزاب شتى وشعب يتطلع لان يكون له دور ويتقدم وتحل مشاكله من فقر ومرض وبطالة وامن كان الله فى عون مصر


24

المشير احق بالرئاسة


بواسطة: yaserfathy70
بتاريخ: الأربعاء، 26 أكتوبر 2011 - 20:14

حتة ثورة تانى مش حينفع لان ثورة 25 يناير كانت كل طوائف الشعب مكبوتة 30 سنة من الحكم الاستبدادى والفساد بكل اشكالة المالى والسياسى والاقتصادى الخ علشان كدة كبير وصغير رجال ونساء فى كل المحافظات والمراكز فى كل شبر فى مصر طلعوا الثورة لكن بعد ذلك الناس اتنفست الحرية وفى انتخبات نزية سواء فى مجلس الشعب او الرئاسة ومفيش حد حيجبر التانى على اى شىء يعنى ال بيكتب على لسان الشعب حيقوم بثورة دا بيثبتلى انة مش فاهم حاجة وعايش فى وهم كبير لان مصر اكبر من كدة بكتير بمعنى تانى لو انت مش عاجبك المشير قوم بمظاهرة لوحدك انا عن نفسى اتمنى لو المشير مسك الحكم لانة عندة كل مواصفات الحاكم من صبر وحكمة وديقراطية فى قراراتة الخ



25

لماذا يامشير


بواسطة: محمد اسماعيل
بتاريخ: الأربعاء، 26 أكتوبر 2011 - 20:15

هيا نترك الملعب ونعتزل او تعالوا نبص على القوات المسلحة الدرع والسيف ونحمى بهم البلد والثورة ونسيب المدنين يلعبوا سياسة تعالوا نتفرج ذى الدول الحرة مش لازم كل حاجة تكون عسكرية خلوها مدنية ونحميها