ما حدث من نجلي رئيس الحزب الاخواني الديقراطي يذكرنابالعهد البائد للحزب الوطني الديمقراطي

قرر المستشار طارق أبو زيد المحامى العام الأول لنيابات جنوب الشرقية، إخلاء سبيل أحمد محمد مرسى (30 سنة - طبيب بشرى)، وشقيقه عمر (20 سنة - طالب بكلية التجارة) نجلى الدكتور محمد مرسى رئيس حزب الحرية والعدالة، والنقيب محمد عبد الله فؤاد الضابط بإدارة مرور الشرقية من سراى النيابة بالضمان الشخصى بعد التصالح، وتنازل الطرفين عن البلاغات المقدمة.

كانت التحقيقات التى باشرها محمد لاشين مدير نيابة قسم أول الزقازيق، قد انتهت فى ساعة متأخرة من مساء أمس السبت واستمرت قرابة 11 ساعة استمع خلالها لأقوال السيد السباعى العسكرى سائق الونش والضابط محمد عبد الله فؤاد فى البلاغات المتبادلة مع أسرة الدكتور محمد مرسى والتى تقدمت بها زوجته ونجليه ضدهما واتهام الطرفين كلاهما للآخر بالتعدى بالضرب والسب والقذف، وتم الاستماع إلى شهود الواقعة.

وانتهت التحقيقات إلى إخلاء سبيل كل أطراف الواقعة بالضمان الشخصى.


تعليقات (166)

1

زى زمان


بواسطة: shrfaldyn
بتاريخ: الأحد، 18 سبتمبر 2011 - 01:43

سبحان مغير الاحوال نفس اسلوب قبل الثوره ايام الوطنى من الوطنى للاخوان ياقلبى لا تفرح


2

طبعا مش ولاد رئيس الحزب الديمقراطي


بواسطة: mohamed
بتاريخ: الأحد، 18 سبتمبر 2011 - 01:45

طبعا مش ولاد رئيس الحزب الاخواني الديمقراطي ههههههههههههههههههههههه
و بعد 30 سنة الشعب هايعمل ثورة جديدة عليهم


3

احذروا هذه الجماعة


بواسطة: اخواني سابق
بتاريخ: الأحد، 18 سبتمبر 2011 - 01:50

لقد ضغطت هذه الجماعة بكل قوة على التنازل
فهي جماعة تجيد الضغط سواء بالترغيب أو الترهيب
اضحك مع نظرية الفرد المسلم فالأسرة المسلمة
هذه الجماعة تجيد فبركة الأكاذيب ونشر الشائعات لتبرير ما تريد وفعل ماتشاء
هذه جماعة انتخابات وانتخابات فقط ولا تعرف غير الانتخابات فهي تجيد الحشد دون وعي وتجيد استخدام الدين في ذلك
قام مكتب الارشاد بتعيين رئيس الحزب والنائب وأمين الصندوق ليضمن السيطرة على الحزب
ولم يثق مكتب الارشاد في المؤسسين , ليتركهم ينتخبوا رئيس الحزب وهذا ألف باء ديموقراطية
لأنهم يؤمنون بالأوامر الفوقية التي ينفذها الأعضاء بما يسمى بالتكليفات
ولكن أنا على ثقة بأن الله سيفضحهم فردا فردا ان شاء الله


4

الضابط غلطان غلطان غلطان غلطان غلطان


بواسطة: احمد
بتاريخ: الأحد، 18 سبتمبر 2011 - 01:50

لا تعليق .... وطذ فى دوله القانون .... وتحيا دوله مراكز القوى الجديده.


5

حرام عليكو مغيش عدل


بواسطة: ابو شمس
بتاريخ: الأحد، 18 سبتمبر 2011 - 01:52

مصر زى ماهي المصري لن يتغير ولا ثوره ولا زغت ناغع معها يصقط حزب التخريب والكوسه للحريه والعداله والشرطه عبدالمامور لازم الشرطه تستقل زى القضاء


6

بعد التصالح وعجبي


بواسطة: kicho8888
بتاريخ: الأحد، 18 سبتمبر 2011 - 01:59




7

كانوا بلامس علاء و جمال مبارك و اليوم احمد و عمر محمد مرسي


بواسطة: ابراهيم كايرو
بتاريخ: الأحد، 18 سبتمبر 2011 - 02:03

الحزب لسة مبقالوش 60 يوم و اولاد رئيس الحزب بيضربوا ضابط شرطة في الزقازيق و يقولولة انت متعرفش انت بتكلم ولاد مين ..................حنرجع تاني للنغمة القديمة و بدل الحزب الوطني و احمد عز طلع لنا حزب الاخوان المسلمين و يطلعلنا احمد مرسي و استمر التحقيق 11ساعة في النيابة يبوسوا راس الضابط علشان يتنازل و القيادات الامنية في الشرقية تحاول الصلح و الضابط متمسك بحقة و قبل انتهاء التحقيق بنصف ساعة تدعي امهم ان الضابط سب الدين للاولادها طيب ماقولتيش الكلام دة لية من الاول .........حنرجع تاني للكذب ذي سوزان مبارك اعيب ةاللة العظيم عيب و قال اية الحزب بيعتزر و يقول دي حاجات بتحصل كل يوم لا و الف لا لو عان الضابط اللي غلط كانو قالو وزير الداخلية يستقيل و الان الضابط معة الحق و القانون ياخد حقة و دة مش حق الظابط لوحدة لا طبعا دة حق البلد يعني حق الشعب المصري كلة و حق وزارة الداحلية التي نقدر لها كل الاعزاز و التقدير لما تقوم بة من مجهود غير عادي لعودة الامن و الامان لبلدنا الحبيب مصر مصر مصر


8

اة لو الايام دى كانت قبل الثورة... كنت شفت الويل يامرسى انت وعيالك...


بواسطة: كمال باشا المرسى...كبير زملكاوية مصر...
بتاريخ: الأحد، 18 سبتمبر 2011 - 02:13

اعتقد ان الموضوع دةلو حصل قبل ثورة يناير كان حبيب العادلى ظبط الامور مع محمد مرسى وعيالة..بس الظروف اتغيرت والامور بقت عال العال ..لان الشرطة انكسرت والدنيا خايفة من المسيرات والاضرابات وعشان كدة الموضوع انتهى بسرعة...


9

مفيش فايدة


بواسطة: محمود حسن
بتاريخ: الأحد، 18 سبتمبر 2011 - 02:31

الكوسة والواسطة زى ما هى علاء وجمال الجداد


10

اول القصيدة


بواسطة: اميرو
بتاريخ: الأحد، 18 سبتمبر 2011 - 02:35

هذا اول تطبيق لقانون الطوارئ وتفعيلة الذى شدد على الاعتداء على رجال الشرطة


11

الفرعون الجديد


بواسطة: على الكومى
بتاريخ: الأحد، 18 سبتمبر 2011 - 02:38

مبروك عليكم الفرعون الجديد


12

جتكم القرف


بواسطة: اسلام
بتاريخ: الأحد، 18 سبتمبر 2011 - 02:39

جتكم القرف مرة تانى


13

كلهم مواطنين


بواسطة: ابراهيم قرعش
بتاريخ: الأحد، 18 سبتمبر 2011 - 02:45

نتمنى لهم العفو و السماخ و الله يحفظهم


14

طبعا لمو الدورررررررررر


بواسطة: دكتوره هند
بتاريخ: الأحد، 18 سبتمبر 2011 - 02:48

حزب الحريه والعداله ما ينفعش ينشغل بالتفاهات دي ...وهو داخل علي انتخابات البرلمان ....والاستحوازات علي كافه النقابات وتشكيل الحكومه الجديده حكومه الاغلبية
بس ادي عينه بسيطه للاخوان اذا وصلو الجكم...زيهم زي غيرهم ...انت عارف احنا ولاد مين؟؟؟؟


15

ابقو ا قابلونى


بواسطة: ايمن يس
بتاريخ: الأحد، 18 سبتمبر 2011 - 02:48

حلو قوى
احنا بدأنا اهو ولسه ياما هنشوف
طيب دول لو ولاد شخص عادى . كانوا برضه هيسبوهم ولا المفروض يتحولوا امن دولة فى ضل قانون الطوارئ .
وبعدين ايه رأى النخبة فى اللى حصل طبع خلاص البلد بقيت بتاعتهم واوعى حد يفتح بقة .
قال كرامة وديموقراطية . ابقوا قابلونى ده احنا هنشوف ايام اسود من السواد .



16

انت متعرفش انا ابن مين


بواسطة: مصطفى المصرى
بتاريخ: الأحد، 18 سبتمبر 2011 - 03:27

راح الوطنى وجاء الاخوان


17

الاخوان دائما جاهزين بالشهود


بواسطة: كمال
بتاريخ: الأحد، 18 سبتمبر 2011 - 03:30

طبعا تم تهديد الضابط الغلبان بقطع رزقه ( او قطع ايده طبقا لشريعة الاخوان ) اذا لم يتنازل عن المحضر لصالح اولاد الباشا الكبير وخصوصا بعد ان اعد الحزب الكبير قوى 1000 شخص ملتحى و 500 امرأة منقبة للشهادة بانهم كانوا موجودين فى الميدان وشاهدوا الضابط المفترى يشتم ويضرب ويسحل وكمان يشنق العصفورتين الغلبانين اولاد البطة البيضاء.... ولك الله يامصر


18

السجن للجدعان


بواسطة: حسن حكشة
بتاريخ: الأحد، 18 سبتمبر 2011 - 03:30

كفارة يا ريسنا ،فين الشربات بأه


19

مين الغلطان؟


بواسطة: Dr.Abdelrahman baz
بتاريخ: الأحد، 18 سبتمبر 2011 - 03:34

بس لازم نعرف مين الغلطان .. لانها بقت قضيه رأي عام وعشان مايكترش الكلام فيها اكتر مما حصل .. لاننا سمعنا 100 روايه للموضوع .. ان اللي سب واللي بدأ نجلي مرسي وروايات اخري .. العكس .. ايه اللي حصل بالظبط!!!!!!!!!


20

و لاد الدكتور محمد مرسى مظلومين


بواسطة: أحمد
بتاريخ: الأحد، 18 سبتمبر 2011 - 03:47

يا جماعه ليه الأخبار دى بتكبر على الفاضى ... و على فكره أنا عارف أبن الدكتور محمد مرسى ده شاب محترم جدا و كان النظام الفاسق علشان يؤذى الدكتور محمد مرسى كان كل شويه يأخذ أبنه المعتقلات ....... و أحنا عارفين أن الشرطه فى عناصر منها لسه فاكرين أن أحنا فى 2010 .



21

هههههههههههههه


بواسطة: السيد العسكري
بتاريخ: الأحد، 18 سبتمبر 2011 - 04:11

لك الله يا مصر الاخوان و الشرطة اصطلحوا
و الله كان لازم يحقق في المحضر النيابة العسكرية لان البلطجة هتكتر كدة زيادة و المرة دي من فئة الناس فاكرينها كانت مظلومة



22

كوسه


بواسطة: د ياسر
بتاريخ: الأحد، 18 سبتمبر 2011 - 04:11

هى الكوسة سابت الحزب الوطنى و اتجهت للاخوان المسلمين احنا كده مش حانتغير دول المفروض يتعلقوا هما و ابوهم احتراما للقانون مش يتم التصالح بالضغط على الضابط فى وقت الضعف اللى بتمر بيه الشرطة


23

اللى ليه دهر!!!!!


بواسطة: ميدو
بتاريخ: الأحد، 18 سبتمبر 2011 - 04:16

"100سنه شويه"
هههههههههههههههه


24

الشعب فعلا واعى و لايحبهم


بواسطة: ولاء محمد
بتاريخ: الأحد، 18 سبتمبر 2011 - 04:24

الحمد لله معظم الشعب كله عرفهم على حقيقتهم المرة دى نفدتم المرة القادمة لا تنفدوا انشاء الله و ربنا يخلص


25

الشعب يريد ان يعرف الحقيقة


بواسطة: ابواحمد
بتاريخ: الأحد، 18 سبتمبر 2011 - 04:32

لابد ان هناط طرف مخطئ من هو
الشعب يريد ان يعرف
هل الشرطة مازالت كما هي ؟
ام ان الاخوان حزب وطني جديد ؟

شكرا للاخبار