أرمي مواعيدك القديمة في الزبالة
النهاردة كان المفروض أقابل واحده صحبتي ونصلى التراويح سوا
...
وبما اني واحده مش ملتزمه بمواعيدي خالص
وصلت بعد صلاة العشاء
ولقيت صحبتي واقفه مستنياني عند المسجد
وزعلانه مني
... وبصراحة معاها حق
عارفيين ليه ؟؟؟
لاننا لما دخلنا المسجد كان زحمه جدااااااااا جدااااااااا
ومكنش في مكان لموضع قدم ماشاء الله تبارك الله ...
وطبعاً لم نستطع الدخول للصلاة
... وفضلت صحبتي ساكته
لم تتفوه بكلمة واحده
وأنا كنت مكسوووووووفه اوي لاننا كده مش عارفيين نصلى فين !!!
وقررت صحبتي تروح وتصلى في البيت
وبالرغم من سكوتها ..... وانها مرضيتش حتى تأنبني بكلمة واحده
.
.
أنا حسيت لاول مره اني لازم أحترم مواعيدي
كفاية بقى على طووووووول بوصل بعد الميعاد بنص ساعه
أو حتى بساعة كمان
.
.
من النهاردة هغير من نفسي وهحترم نفسي قبل غيرى
لان أحترام المواعيد يظهر شخصيتك من البداية مع الاخرين !!!
وقتي هو ملكي ، هو جزء من كياني الروحي والنفسي والجسدي ايضاً
ومن لايحترم وقتي لايحترمني فكيف يطلب مني ان احترمه ؟
وتذكرت قول الحسن البصري رحمه الله : ابن ادم إنما أنت أيام مجموعة كلما ذهب يوم ذهب بعضك
.
.
وتذكرت قول رسولنا الحبيب المصطفى عليه الصلاة السلام
عن أبي هريرة رضى الله عنه قال : قال رسول الله : آية المنافق ثلاث : إذا حدث كذب . وإذا
وعد أخلف . وإذا ائتمن خان - رواه مسلم
صدقت يارسول الله
... ممكن تبقى منافق لمجرد انك وعدت تقابل صحابك بميعاد معين واخلفت عنه
أو ألتزمت بشغل مع ناس ومسلمتهوش في ميعاده المطلوب !!!
وغيرها وغيرهاااااااااااا
...
خليك قدوة لغيرك بمواعيدك .. خلى ناس تشاور عليك وتقول ده أنسان بيحترم مواعيده
وبيحترم نفسه أولاً وأخيراً
.
.
ولانسيتوا الجملة إللى اتعلمناها واحنا صغيرييين
الوقت كالسيف إن لم تقطعه قطعك ....
من دلوقتي هحترم مواعيدي وهبطل استهتار بالاخرين
أختكم في الله
فتاة مسلمة
مشاهدة المزيد
الإثنين 26 أكتوبر - 7:24 من طرف 
