محامي الجواسيس يدافع عن مبارك ويصرح بان كل ما نشر عن مبارك وثروته هجايص

حسنى مبارك وزوج

''لدي يقين ببراءة موكلي''.. هكذا قال فريد الديب، محامي أسرة الرئيس السابق محمد حسنى مبارك، مشيراً إلى أنه يثق في براءته، ومن سلامة موقفه، وقال ''لولا تأكدي من ذلك لما ترافعت عنه''.

وأضاف الديب، في حواره لبرنامج (حوار القاهرة) على قناة الحرة، أن من بين ما أسماه انجازات الرئيس السابق إضفاء حصانة على منصب النائب العام، وهو ما أمر به الرئيس السابق عام 1984 بالاضافة الى دوره الرئيسي فى حرب اكتوبر 1973 كقائد اول ضربة جوية.
وقال الديب ''ان كل عهد له اخطاء وسلبيات ولكنى انظر دائما لنصف الكوب الملآن وليس الفارغ، وهى وجهة نظر شخصية ربما يعارضها الكثيرون''.
وانتقد محامي الرئيس السابق، ما وصفه بالكذب والافتراءات على الرئيس السابق والحديث عن محاكمته سواء فى وسائل الاعلام أو من بعض المسئولين وقال ''هناك من يتسابقون في الافتراءات على مبارك وللأسف من يطلقها ذوى نفوس معروفة، خاصة عندما تحدثوا عن التقاعس عن نقله لمستشفى طرة ونحن جميعا على علم أنها لن تكون مجهزة للحالات الدقيقة''.
ووصف الديب تصريحات الكاتب الصحفى محمد حسنين هيكل عن ''مبارك'' وثروته بالكلام الفارغ، وعن ثروة مبارك قال الديب ''هناك تصريحات من مسئولين سويسريين واخبار كثيرة تنشر فى الصحف وانا قلت اللى عنده دليل يقول ولكن عندما يسقط فى هذا الخطأ مسئولون كبار يكون خطأ جسيم، أول من قال ال70 مليار هو وزير العدل اللى ملوش دعوة بالحدوتة دى ،وهو يختلق ويبتدع معلومات لا اساس لها ونسى انه ينبغى عليه الصمت لانه رجل ينتمى للسلطة الآن والا اين استقلال النيابة العامة ، ياريت يقعد ساكت ويخليه فى شغله، وكذلك الجارديان والتايمز كل ما نشروه عن الثروة هجايص''.
وحول ما تردد حول علنية جلسات المحاكمات وقال " الأمر لايتكهن به أحد لانه يعود للمحكمة ،والمحامى يترافع امام المحكمة وليس للرأى العام، واكبر مصيبة للمحامى والموكل ان يترافع من اجل الرأى العام لانه فى النهاية لن يكون هو الحكم، والمحامى ليس له علاقة بالسرية او العلانية بل الجو العام من امن وامتناع عن التعرض للقضية، وعدم ابداء رأى فيها سواء ضد المتهم او لمصلحته وترك كل الامور للمحكمة، واذا كان النشر عن المحاكمات فرع من فروع العلانية، لابد ان يكون نشر امين بدون تعليق، ولا اشك فى ان القضاء هو اول من يحرص على ان تكون المحاكمة عادلة مثلها مثل اى محاكمة، اما من تحدثوا عن العفو فهى فلسفة فارغة وهيافات لان العفو لا يحدث الا عندما يثبت ارتكاب الفعل، وهو نوعين،عفو عن العقوبة وهذا يتم بقرار جمهورى ومتمثل الان فى المجلس العسكري، وعفو عن الجريمة وهو فى حالة اثبات حدوثها''.
ورفض ''الديب'' التحدث عن اتهام الرئيس السابق بقتل المتظاهرين كما رفض الادلاء بكل ما يخص كيفية حصوله على أتعابه كمحامى من مبارك، وقال ''أعلم جيدا ان اموال مبارك مجمدة، وليس من شأن أحد الحيدث فى هذه الأمر فتلك مسألة خاصة جدا بيني وبين الموكل، وكل ما هو مطلوب منى ان ادفع الضرائب ليس اكثر''.
وذكر ''الديب'' ان الامر بالنسبة لنجلي الرئيس السابق مازال محل التحقيقات وكل ما يفعله هو تقديم مستندات فقط، اما ما يتعلق بسوزان مبارك قال ''سوزان هانم تنازلت عن فلوس مش بتاعتها، ونحن نعرف ان هناك مسائل اثيرت فى التحقيقات و موضوع حساب مكتبة الاسكندرية ثبت انه تبرعات لم يمسها مبارك قط، أما موكلى الاخير وهو حبيب العادلى فانا اعتكف حاليا على كتابة الطعن للعرض على النقض فى قضيتي التربح وغسيل الاموال''.
ولفت إلى أن حالة الرئيس سيئة لانه مريض وحزين وقليل الكلام، فلديه امراض عضال فى القلب ووهن فى العضلات واورام فى القولون ولا يستطيع الذهاب الى دورة المياه الا بالمساعدة''، مطالباً المواطنون ان يكونوا كمصريين عرفوا بالجدعنة الا يطعنوا فارس سقط من على حصانه''.



ياسلام (منذ 23 دقائق )
ياعم روح اقعد جنب الحيط و دارى خبتك مش برضه انت على ذمه قضيه ولا فيه واحد تانى اسمه فريد الديب ماهو اصل الحراميه دائما يدوروا على بعض و يدافعوا عن بعض

00



يا رب اظهر الحق (منذ 1 ساعة )

يا رب يظهر الحق و يرد للمظلوم حقه ويظهر مدعي الوطنية علي حقيقتم امام الناس و يوقظ الناس الغافلة و المغيبة العقول من غسيل المخ الذي يجري لهم كل ثانية من وسائل اعلام قذرة بتركب موجة الجالس علي الكرسي و خلاص


+40





سكرتير الرئيس يملك 7000,000,000-الأهرام//22/6/2011 (منذ 4 ساعة )

روح يا فريد إلعب بعيد وإتكلم كلام معقول إذا كان المتكلم مجنون فالمستمع عاقل --حبيب العادلى يملك 8000,000,000 وزكريا عزمى 7000,000,000 يعنى الناس اللى شاغلين عنده يملكون مليارات ومبارك مسكين معاه كم مليون بس --البنك الأهلى لوحده بيقول عنده حسابات تقدر ب 200,000,000 متين مليون يعنى شوية فكه كده&&&وفى نفس الوقت والله ناس مش عارفين يجيبوا الدواء&&&وفى الإسلام إن الرئيس يعتبر راعى عن الشعب شوفتوا الإجرام

+1-6




زائر
كداب (منذ 9 ساعة )

نرد عليك بنفس الالفاظ ونقول كداب يا خيشة وفى النهاية نحن نعلم انك سوف تاخذ؟؟؟؟؟؟؟؟ كبير




+2-7





طظ (منذ 14 ساعة )

طظ في كلامك يا ديب...و كلمه لبتوع مبارك..يا بتوع الانجاوات..أنتم بس اللي حاسين بيها..مافيش حد فيكم أتعذر في فلوس و لا ماكانش معاه مليم في يوم من الايام و أشتغل بسهول علشان خاطر بابي يعرف مدير مش عارف أيه..و ماصعبش عليكم الناس اللي ماتت و اللي غرقت و أتدفنت في عصره المهبب...أنا باقولكم و بجيب من الاخر مبارك مش هيطلع براءه بالزوق او بالعافيه مش هيطلع براءه..و لما يتحكم عليه هندور عليكم انت بقي و هيبقي الدور علي اللي زيكم من عبده الفساد....انت شايفين السرقه انجازات من وجهه نظركم..و الفساد انجازات..و قتل الناس أنجازات طبعا..طريقه كلامك واحده و ده يدل ان كلمك غارقين في نفس مستنقع الفساد...اوعوا تتطلعوا الشعب جاحد علشان عايز حقه و كرامته اللي انتم سرقتوها منه بالعافيه...و ياريت لو انتم شجعان كده نشوفكم في الشارع و انتم بتتكلموا بصوت عالي مش مستخبيين ورا النت..


+5-30




خليها (منذ 14 ساعة)

خيلها تاكلك تاني يا عبد مبارك

+4-7




غباوة بلاحدود (منذ 4 ساعة)

واضح انك مش متعلم ولا مؤدب ولكن احاول افهمك يمكن تفهم .لاانا من الحزب سئ السمعه. ولم اعمل في بلدي اي وظيفة حكوميه .ومن افقر بلاد مصر من ارياف الصعيد ولكن العملية مبادئ .انت طبعا وامثالك لاتعرفون يعني ايه مبادئ .وعموما لو عاوز نقابلك حدد المكان والزمان وهاتندم انك كتبت كده

+4-2





تماما مثل ماسبق ؟؟؟؟؟؟؟؟؟؟؟؟؟؟؟؟؟ (منذ 14 ساعة )


وفى الماضى كان ايضا هو تصريحك اثناء الدفاع عن الجاسوس الاسرائيلى عزام ؟؟؟؟؟؟؟؟
ولا اعتقد ان نجاح ايهام المدافع ( محاميا كان او خلاف ذلك ) لنفسه بصحة موقف موكله يمكن ان يشجعه الى محاولة ايهام الغير بذلك؟؟؟؟؟اذ ان ما يوهم المحامى نفسه به انما لاقناع نفسه بشرعية اتعابه وان ماله الذى تحصل عليه مال حلال؟؟؟؟؟؟
ولاشك ان مسايرة ذلك المبدأ انما يمثل الشذوذ فعلا ..فالحقيقة هى بثوابتها لابما يوهم الشخص نفسه به . وانا يوم القيامة لناظرون ؟؟؟؟؟

+11-4




زائر
محامى الخنازير (منذ 15 ساعة )

بالامس مع الخنزير عزام واليوم مع الطاغوت حسنى . المهم يلاقى ثمن السيجار .ولتسقط كل القيم وليسقط كل الشهداء ولتحترق مصر .نصيحة للديب |اذا كنا بالامس خرافا رغما عنا فى عهد سيدك . فاليوم اصبحنا اسيادك واسياد سيدك وليتك تصمت عن الكلام ولتعلم ان اتعابك فى هذة القضية هى اموال الشعب التى سرقها سيدك واعرف انك ستقبلها كما قبلت اموال الخنازير.

+9-11





سبانخ رجع تانى (منذ 15 ساعة )

ورجع لينا تانى سبانخ علشان يحاول يستميل الراى العام بتصريحات تاتى عكس توقعاته ( ويمكرون ويمكر الله والله خير الماكرين)يعم الديب مش هتعمل ديب علينا تصريحاتك بتستفز الناس اكتر وهتلاقى الاحتقان بين الشعب ومبارك زاد وهتلاقى المطلب بعد كدة مليونيه احضار مبارك من شرم اتنيل على عينك واسكت خلى الناس مشغوله بالدستور الاول ولا الانتخابات البرادعى الاول ولا العوا اتنيل واسكت متخليش الناس تجتمع على مطلب واحد وهو ترحيل مبارك لطرة جنب حبايبه وولادة صدقنى مش هيحس بغربه على الاقل هيحس انه رئيس ويرضي كبريائه

+9-12





احنا متأكدين (منذ 16 ساعة )


يااستاذفريد لماانت تقول كده دا شئ طبيعي انك تدافع عن موكلك ولكن احب ان اقول لك
ان غالبية الشعب الشرفاء ذوي الاخلاق والاصول متأكدين ان السيد الرئيس برئ من غالبية ماينسبه له المغرضون والمرجفون والذين في قلوبهم مرض
اما المغيبون وموظفي المواقع الذين يتولون مهمة تشوية سمعة وتاريخ السيدالرئيس فهم قلة وقلة تافهه لاتملك الا ان تردد مايرسله لهم اسيادهم من الاخوان والمجرمين الذين هربوا من السجون واقباط المهجر بائعي الاوطان لمن يدفع .
سياده الرئيس تاريخك ناصع البياض .ملئ بالانجازات لاينكرها الااعمي اوحاقد
سياده الرئيس :ولاتهنوا ولاتحزنوا وانتم الاعلون .غدا سيحق الحق الحق ويبطل الباطل ولو كره الافاقون والمرجفون والا معهات والتوابع والمرددين كالخرفان .

+54-34




الصامتون (منذ 15 ساعة)

نحن الفئه الصامته -- وكان صمتنا لأننا نعرف جيدا -- ان الله موجود - وشاهد علي كل شئ وأن الحق سوف يظهر في يوم من الأيام -- واشكر كاتب التعليق

+15-32




معك حق (منذ 15 ساعة)

والتاريخ سوف يثبت هذا

+13-47




انا عندى الريس احسن (منذ 15 ساعة)

من العيال المجانين شهره بتوع أئتلافات العتبة وروكسي و6 ابليس

+10-62




ايه الخطبه الجميله دي الظاهر انه ماحدس من أهلك افتقر في عهد المخلوع ولا جاله السرطان ولا قتل بالمظاه (منذ 5 ساعة)

ايه الخطبه الجميله دي الظاهر انه ماحدس من أهلك افتقر في عهد المخلوع ولا جاله السرطان ولا قتل بالمظاهرات السلميه ولا عاطل عن العمل ولا مش لاقي ياكل ولا بيتعالج ولا الشعب بيشتغل ليسدد الديون اللي سرقها اللص والأربعين حرامي

+5-3





عندك حق (منذ 16 ساعة )

عندك حق الثروه الحقيقه اللي إتهربت أكبر من أي رقم معلن

+17-12




زائر
الرقص مع الحيتان (منذ 16 ساعة )

الديب يرقص مع الحيتان على جثث الشهداء وانقاض دولة.....لا بارك الله لهم


+27-13




الحق (منذ 15 ساعة)

الشهداء بريئون مما تفعلوه -- من تلفيق التهم بدون دليل -- والمتهم برئ حتي تثبت ادانته

+10-10





اذا اللى كان بيتكلم اهبل يبقى المستمع عاقل (منذ 17 ساعة )


انت ياديب عايز تبلشف 80مليون مصرى وتفهمنا ان سيدك وولى نعمتك ماعندوش الا 5او6مليون بس يعنى هو كان شريف وقاعد بيتفرج على البلد بتنسرق وهو قاعد غلابان عايز تفهمنى ان الحرامى حسين سالم عامل كل المليارات دى والمعلم الكبير نزية عايز تفهمنى ان صبى العالمة عز بتاع الحديد فى عشر سنين يبقى ملياردير وسيدك قاعد يتفرج علية ان غبى ولا بستغبانا اوعى تفتكر انك محامى شاطر لانك جبت لاعزام عزام براءة لالالا هو سواء كدة او كدة كان طالع فى صفقة خيانة من سيدك

+19-13





محامي الخنازير (منذ 17 ساعة )

محامي الخنازير لابد و ان يكون ديب يا بتاع الجواسيس

+27-18





مؤيدى المخلوع (منذ 17 ساعة )

واضح من التعليقات أن مؤيدى المخلوع وفلول حزب الحرامية عندهم أمل فى عودة الحرامية ولكن هيهات أن يعود حكم ابليس -


+21-19





مين جاب الديب من ديلة (منذ 17 ساعة )

بصراحة كل دفاعاتك هجايص يامحامى فرعون المهم قبضت كام مليون ولا عايز تدخل نادى المليارات

+26-17





الديب السحلاوي (منذ 18 ساعة )

كيف تستسيغون الكذب وكيف تكذبون ثم تصدقون كذبكم ثم الا تعلم انك بعلمك الذي تعلمته وتتحايل به علي حقوق العباد سوف تهوي في النار سبعين خريفا اتق الله يارجل ولا تنصر الظالم وتعينه علي اكل السحت وتتقاسمه معه فالله يمهل ولا يهمل ويوم يعض الظالم علي يديه يقول ياليتني اتخذت مع الرسول سبيلا


+29-16





اى كلام ليس له قيمه قب انتهاء التحقيقات (منذ 18 ساعة )

اى كلام ليس له قيمه قب انتهاء التحقيقات
واطالب منعاً للبث على الناس ان حملات التشكيك لم تكن بسيطه ان يتم اختيار فريق التحقيقات وتجميع الادله من أعدى اعدى مبارك وما اكثرهم حالياً
علشانت الظاهر ان مبارك هايطلع مظلوم فى الكلام ده كله ومش هايتقبل اشعب حكم البراءه الا اذا ضمن ان فريق التحقيقات ممن اشنهروا بالعداء رئيس ولا مانع من ضم هيكل والاسوانى وصفوت حجازى والسباعى
ولا شك ان الجانب الاخر وهو مبارك قد انكشف عنه اى غطاء يحميه واصبح لا مساند ولا مدافع

وبعد ما تطلع نتيجة التحقيقات كله يخرس ويحط جزمه فى بؤه


+21-6




زائر
الثائر الحق (منذ 18 ساعة )

يا اخوانى يا احبابى يا اعزائى سمعتو الله يرحمه الشعراوى فى كلمته عن الثائر الحق احنا كنا نعول و ننتقد النظام السابق فى ظلمه للناس و تلفيق التهم لهم والان و بعدد ان سقط النظام وبدات محاكمته ليس لنا بأن نفعل ما كان يفعله النظام السابق يعنى يحاكمو محاكمه طبيعيه و غير مستعجله و غير شعبيه الى ان تنتهى المحاكمه اما كلام لو اخوك ولا ابنك مات شهيد فى المظاهرات و اللعب على هذا الوتر اولا ال مات هو شهيد و اخد جزاؤه ان شاء الله و هو الجنه و دى حاجه حلوه و طبعا مكتوب عند الله ح يموت فى هذا الوقت و هذا المكان لكن نعبى النفوس ضدهم لا لاننا ح نكون زيهم فى ظلمهم لنا و هذا ما كنا نعانى منه ولا يجب ان يعانو هم منه الان لان كده ح نكون ظلمه زيهم خلو المحاكمه تأخذ مجراها و فكروا الان فى العمل و كيفيه القضاء على البلطجه


+22-5




حق يراد به باطل (منذ 15 ساعة)

كلام الشعراوي مش ده مقاله... نحن نتكلم عن جريمة لازم نحاكم من إقترفها.. لكن تقولي أسيبه علشنا نبني البلد ده هبل... انا ممكن أبني البلد و انا بحاكمه برده

+7-13





هى ديه لغه الديب (منذ 18 ساعة )

جاتك نيله وانت محامى خايب وموكوس انت فاكر ان العمليه فلوس وبس ...... ده فلوس وفساد وغاز وبلاوى . وكفايه شهداء الثوره اللى حياخد عليها اعدام . يا محامى الجواسيس واعداء مصر

+23-18





هى مش ثروه هى اموال منهوبه (منذ 18 ساعة )



+21-17




زائر أشعر أن المنوط بالدفاع يبدو أنه يدافع عن العائلة المقدسة,شوية كمان ويقول دحنا بنصلى الفجر جماعة وبنطلع الترب وبنفرق شريك وبرتقال وبلح أمهات , روح يا شيخ إلهى يجيلك ديب بحق وحقيقى





فل من الفلول (منذ 18 ساعة )

كلام منطقي و سليم .. و ياريت قبل ما حد يقول اي حاجة على مبارك يجيب الدليل .. و ساعتها يبقى يتكلم و يهلهل و يعمل اللي هو عايزه .. مش يقرا خبر في جريدة متعرفش حاجة عن مصر و يقولك ثروة مبارك 70 مليار .. يا جدعان اتقوا الله و اتأكدوا من الاخبار قبل ما تنشروها عشان ربنا هيحاسب على كل حاجة ..و الاخ ميدو .. خلى فريد الديب " عدو الله " عشان بيدافع عن مبارك .. ههههههههههههه .. و الله ما ماقدامي غير الضحك على حال الشعب المصري .!.


+52-16




الكلام المنطقي يكون مع الوضع المنطقي (منذ 15 ساعة)

الكلام المنطقي يكون لما يكون الوضع منطقي... يعني إزاي لا يتم القبض عليه إلا بعد شهرين كاملين من نجاح الثورة على خلعه!!!!.... جتك النيلة في جهلك إنته و اللي زيك...

+8-9




احسن فلول (منذ 14 ساعة)

وأحب اقول للجماعة اللي بيتهموا -- بدون دليل أتقوا الله وحسبي الله ونعم الوكيل فيكم وشوفوا حال البلد -- وانتوا تعرفوا أن الفساد انتشر بسببكم - منكم لله

+2-5




دليل بديهى (منذ 4 ساعة)

الناس اللى شاغلين عنده يملكون مليارات مليارات وأصدقاؤه يملكون مليارات وكل اللى بيقرب منه يملك المليارات

+1-2





حق الدفاع عن كل متهم مكفول و لكن (منذ 18 ساعة )

حق الدفاع عن كل متهم مكفول و لكن الغير مقبول هؤلاء الذين باعوا كل شيء من اجل المال امثال هذا الديب ، الذي يظن نفسه يخاطب اعضاء الحزب الوطني المنحل من علي منبرهم ؟ كلا و الف كلا ، لابد ان تتم محاكمه الفاسد العميل مبارك علي جرائمه في حق الشعب و الوطن، و نرجوا من موقع مصراوي المحترم ان لا يذيع اقاويل غير محترمه صادره من اناس لا ضمير لها لوقف حرق ما تبقي من دمائنا


+11-15





يسمى ديب لكنه حوت (منذ 18 ساعة )

المحامى المرموق لايدافع عن الغلابه والمظلومين لانهم لايستطيعو ن دفع الملايين من يستطيع اللصوص والقتله فقط

+11-15





!!!! (منذ 18 ساعة )


قبولك انك تكون محامي لحبيب العادلي يغني عن اي كلام ممكن يقال عنك انت احط محامي موجود في مصر

+26-11




زائر
اللهم تقبل دعاء (منذ 18 ساعة )


اللهم اني اسألك بأنك انت الله الذي لا يرد دعوة مظلوم و لا يغفل عن سؤل محروم ان تريني فيهما ما تقر به عيوننا و تحشرهم مع فرعون و هامان

+16-2




+3-4





بيئة (منذ 18 ساعة )

كلب الزرايب اللى اسمه الديب دا تربية حوارى وغرز ومن بيئ واطية وهذا واضح من اسلوبه فى الحديث وهذا مخلوق مايصحش أى حد يرد أو يعلق عليه أتركوه مثل الكلب زى سيده وزبانية جهنم اللى بيدافع عنهم - خسئت ياعدو الله أنت وجميع من تدافع عنهم حرامية مصر ولتذهبوا جميعا الى الجحيم


+24-46




أدب (منذ 14 ساعة)

يا أخى خليك مؤدب شوية فى تعليقك ولما هو مخلوق مايصحش أى حد يرد أو يعلق عليه بتعلق أنت ليه يا متربى لأن واضح من ألفاظك ان أنت اللى من بيئة نظيفة أوووووووووووووى

+32-5





الديب العجيب (منذ 18 ساعة )

اتتذكر يا ديب انك كنت على يقين من براءه موكلك هشام طلعت مصطفى واخذ اعدام ولوا بهاء الدين ابو شقه ما تم تخفيف الحكم عليه اسلوبك فى الدفاع انك جعجاع وهو اسلوب لا يثمن وقلت لك من قبل يا ديب يا عبد الشهره والمال يا محامى الجواسيس وتجار المخدرات ان الله اعمى بصيره المخلوع فكنت له فى الظاهر محامى وفى الحقبقه انت له عشماوى

+20-12

لتتمكن من الإبلاغ عن التعليق

شكرا علي الموضوع

مش عارفه ازاي بيدافع عن الراجل ده وهوخرب البلد