مصر كلها اختارت طعم المر

مش باقى منى غير شوية ضى فى عينيا

انا هديهوملك و امشى بصبرى فى
الملكوت

يمكن فى نورهم تلمحى خطوة

تفرق معاكى بين الحياة و الموت

مش
باقى منى غير شوية ضى فى عينيا انا مش عايزهم

لو كنت يوم هلمحك و انتى
بتوطى

فى معركة مفيهاش و لا طايرات و لا جيش

و انتى فى طابور
العيش

بتبوسى ايد الزمن ينولك لقمة من حقك المشروع

مش باقى منى غير
شرقة فى نفس مقطوع

و انا صوتى مش مسموع يا حلمنا الموجوع

من المرور
ممنوع

مستنى لما يمر موكب سلاطينك

و مش باقى منى غير شوية كفر
بشروقك

على شوية رحمة من طينك

على شوية صبر من دينك

مش باقى
منى غير شوية لحم فى كتافى

بلاش يتبعتروا فى البحر

مش باقى منى
غير شوية لحم فى كتافى

بلاش يتحرقوا فى قطر الصعيد فى العيد

بلاش
لكلب الصيد تناوليهم

خدى اللى باقى من الأمل فيهم

و ابنيلى من عضمهم
فى كل حارة مقام

و زورينى مرة وحيدة لو كل ألفين عام

ألم الجراح
يتلم و مش باقى منى غير شوية دم

متلوثين بالهم مرين و فيهم سم

و
مش باقى منى غير شوية دم

متلوثين بالهم مريين وفيهم سم

ما قدرش
أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى
شهيد

هحتاج يوميها الدم يمضى على شهادتى

نهى ونور عندهم حق

انت متشائم وفى حالة يأس جامده
اوى يا حسام

شكرا حسام