كان فيه راجل عجوز
كل يوم يروح البنك ويودع 5000 جنيه فى حسابه... الموظفين استغربوا
وفى
يوم قال لهم المدير لما ييجى نادوه أكيد هو غنى ولازم نستفيد منه
لما
جه الراجل ودخل البنك دخَّـلوه الموظفين على المدير
قالّه المدير: أنت
بتشتغل إيه؟..قال: عاطل ما بشتغلش
قاله المدير: منين كل الفلوس دى؟:
قا...ل:أنا بأراهن الناس بـ 5000... جنيه ودائما بكسب قاله المدير: مش ممكن ...
إحكى الحقيقة ...قال الراجل: خلاص تراهن بـ 5000 جنيه إنى اقدر أبوس
عيني قال المدير: أراهن...قام الراجل وفك عينه وباسها ورجعها (عينه
زجاج تركيب) قال الراجل تراهن بـ 5000 جنيه إنى اقدر أعض ودنى المدير
بعد ما فكر واتأكد إن مافيش ودن تركيب قاله: أتحدى الراجل فك طقم
اسنانه وعض به ودنه ورجعه المدير إداله 10000 جنيه ومشى الراجل وتانى
يوم الصبح لما دخل الراجل البنك نادوه الموظفين ودخلوه على المدير قاله
المدير يا ابن الحلال عشان خاطرى رجعلّى فلوسى قال الراجل: خلاص أنا
حاراهنك على حاجة إذا إنت كسبت حاديلك ال10000 وإذا أنا كسبت تدينى 5000
جنيه قال المدير على إيه تراهن قاله الراجل: تراهنى أن لون فانلتك
الداخلية زرقة ( زرقاء )قال المدير وهو فرحان: لا طبعا مش زرقة (متأكد
بقى)قال الراجل: لا زرقة قال المدير: لا مش زرقة قال الراجل:
خلاص اقلع القميص ونشوف قلع المدير القميص وطلع الغيار لونه مش أزرق وفعلاً
رجّع الراجل فلوس المدير
التفت الراجل لكل الموظفين اللى كانوا بيتابعوا
وقالهم: أهو قلّعتلكم المدير زي ما راهنتكم كل واحد يجيب 5000 جنيه حسب
الرهان
يارب تكون عجبتكو
الإثنين 26 أكتوبر - 7:24 من طرف 
