البنات في كلمتين وهل من مبارز ؟؟؟

رغاين ومسهوكين ( يعني بيحبو يدحلسوا ) علشان يوصلو للي هما عايزينة ومش صادقين مع أنفسهم علشان يصدقوا مع حد تاني بيبدأو يومهم بالكدب وينهووووا اليوم بالنميمة وعندهم مرض العظمة وشايفين نفسهم ودماغهم فاضية ( نص عقل )
والمهم أنهم عارفين كده كويس


[img][/img]

(سكت دهرا ونطق كفرا)
يعنى انت بتتدخل المنتدى بقالك اكتر من شهر
علشان تلعب وبس ويوم ما ربنا يفتحها عليك
تفتح على نفسك النار كده يا مندى
يعنى نعمل فيك ايه اكتر من اللى بنعمله مش عاارفه
مش كنت تاخد رائى المحامى بتاعك فى الموضوع
ده سب علنى يا امبراطور ........
احسن خلى الحلوين اللى بيخرجوك من السجن يتفرجوا
على كلامك

انا معاك فعلا فى كل اللى قولته فى نوع من البنات كده بس دول لرجاله معينه بس يعنى رجاله شكلها عبيط بتحب يضحك عليها اما الرجاله بجد حاجه تانيه خالص
واخيرا اى حاجه صادقه بجد وصح بجد تاكد انها هاتكون افضل سواء من البنات او من الولادالمهم الاختيار الصح وانصحك بلاش تجيب سيره البنات تانى لانى سمعت ان ريا وسكينه خدوا خبر وناوين يخلصوا عليك

والله يا مازن هو ده رايك في البنات طيب ابقا شوف مين بقا اللي يخرجك من السجن
وشوفلك محامي يترافع عنك

يا مندي قلتلك
نصحته والله يا جماعه قلتله بلاش انتي مستغني عن عمرك
اترفع عليه لغايت دلوقتي عشرين قضيه ربنا يسهلا كله شغل بس شدو حيلكم انتو كمان

ايه ده ايه ده مالك كده.....
هو السجن أثر عليك للدرجاتى ولاصدقت نفسك انك امبراطور بجد ....
على فكره واضح اصلا انك متعرفش مرض العظمه ده ايه.....
ده مرض صاحبه بيشوف نفسه عظيم لا قبله ولا بعده مثلا لما يقف يقول....
مندى الأمبراطور.....ده اسمه داء العظمه....
محدش قالك ان كلامك ده تعميم على كل البنات...
يعنى انت رميت محصنات بكلام ليس فيهن...(مسهوكين)وكادبين....
أجرك عند الله ....
فيه بنات كده فعلا قله قليله كون انك وقعت وقعه زى دى فده يرجع ليك ولسوء اختيارك...
لكن ده مش يديك الحق انك تغلط فى كل البنات ...
وبعدين مين اللى دماغهم فاضيه ...
اسمحلى اقولك انت غلط بكلماتك.....
ومش معنى انك عرفت بنات كدابه وبالأخلاقيات دى يبقى كل البنات كده...
سكت كتير ومشفناش منك مواضيع واول ماكتبت كتبتلنا مصيبه...
متشكرين ليك جدا.

**شئ مؤسف ان ده يكون رأيك في المرأه يا مندي لان,
**اصل وجودك في الحياه هي المرأه وسر استمرارك فيها هي المرأه برضه.....
**لان المرأه اللي انت اتكلمت عنها دي هي الام والاخت والزوجه......
**وان كان الاسلام كرمها ,والرسول اوصي عليها ......
"استوصوا بالنساء خيرا".....

يا

جماعه من حق كل واحد انه يقول رايه لكن من غير تجريح في بعض ونقول انت بتفهم وانت مش بتفهم
المنتدي مش ساحه للقتال والمبارزه بل ساحه لتلقي وجهات النظر العديده التي يتم طرحها لمناقشتها والاستفاده منها
وموضوع مندي هو بالطبع ميقصدش كل البنات بل يقصد مجموعه معينه من البنات
لاني بكل سهوله مفيش حد يقدر يحكم علي كل الناس
فمن كان منكم بلا خطيئه فليرمه بحجر

لا يا عادل...
انتم ممكن تقولوا رأيكم من غير تجريح مادام بتطالبوا بعدم الرد او التجريح...
فمن كان منكم بلا خطيئه فليرمه بحجر.....
اظن كلمه زى دى غلط جداااااا...
الرسول قال انصر اخاك ظالما كان او مظلوم.....
وهو ظلمنا بكلامه لأنه عمم وبدل ماترده عن ظلمه بتشجعه لا وبتكمل معاه......
كلامنا كلنا بمثابه الحجر يا استاذ عادل....
متشكرين لسيادتك جداااااااااا

حجر ايه يا عادل ده مندى عاوز محجر بحاله يترمى بيه ايه الزفت والاطران المنيل ومهبب هباب اللى بيقولو ده ..... بجد يا مندى انت المفروض البنات اللى فى المنتدى يهدرو دمك قال وايه بيخرجوك من السجن كمان وال ايه المحامى فرحان انه هيترافع عنك.... تترافع ايه يا خويا ده ياخد اعدام مستريح ومن غيرمحكمة

لالالا بجحد زعلت جدا لما قريت اللى انت كتبه ده يامندى الاخوة الاعضاء ردوا عليك بما فيه الكفاية بس انت تدخل وتهينا علنى كدة دة انت مش تدخل سجن المنتدى دة لو فى اعدام كنت طالبت بيه ، لا وايه بتقول هل من مبارز البنات مش زى بعضها بالظبط ، وبعدين بص لصوابع ايدك يأخ مندى لو لقيتها اد بعض ابقى اتكلم عن البنات بالشكل ده ، لا احسنلك تعمل مبارزة على اخد لقب الامبراطور منك مش مبارزة ادام البنات
على رأى نورا (سكت دهر ونطق كفرا)

اخى العزيز مندى

احيك على شجاعتك وكلامك الجميل

عندك حق فى كل كلامك

لكن قولى هو انت بتروح الفلبين؟


اصلى شفتك وانا هناك

اكيد انت تقصد قله من البنات ولكن حواء
هى ستنا حواء والسيده العزراءوالسيده خديجه والسيده فاطمه الزهراء
وكل زوجات الرسول
البنت هى الام والاخت والزوجه

وانا متاكد انك لاتقصد ان تعمم على كل البنات فى المجتمع المعاصر

ولكن بجد
رايك كله بركه على بنات الفلبين وهما هيزعلو منك وفى انتظارك اوع تيجى الفلبين هااقولهم هو ده

ليك كل التحيه

ايه ده يانهار ابيض لاابيض ايه
ايه يامندي اللي انت قولته ده
مش معقول طب لما واحده تعمل فيك كل ده احنا ذانبنا ايه ؟

بصراحه انا اتصدمت لما قرات الكلام ده اكيد يا اخ مندي صولابعك مش زي بعضها