ليه مش بتمسك ايدي واحنا ماشيين في الشارع ؟
لأ بلاش , افرضي حد من قرايبك شافنا ؟
ولا حد من اصحاب اخوكي في الكلية بص لائانا كده ماسكين بعضنا..
إن شاء الله يا حبيبتي بكره نتخطب وامسك إيديكي ادام الدنيا كلها.
أنت ليه مش بتمسك إيدي وإحنا ماشيين في الشارع؟
علشان مش عاوز حد يفتكر إننا علشان اتخطبنا
هنصيع بقى ونعيش حياتنا...
وبعدين بصراحة كده احسن ... إن شاء الله بكره نتجوز
وامسك إيدك وإنتي مراتي حبيبتي في الحلال.
أنت ليه مش بتمسك إيدي وإحنا ماشيين في الشارع؟
يا حبيبتي إحنا مش مراهقين بقى هنمسك إيد بعض في الشارع
وكده ... إحنا اتنين متجوزين ومحترمين
وعندنا بيت نعمل فيه اللي عاوزين نعمله.
أنت ليه مش بتمسك إيدي وإحنا ماشيين في الشارع؟
يعني امسك إيدك والا امسك إيد البنت والا اشيل الأكياس دي كلها؟!
أنت ليه مش بتمسك إيدي وإحنا ماشيين في الشارع؟
إيدك إيه بس اللي هامسكها دلوقتي!
إنتي عاوزه جوز بنتك يقول علينا كبرنا وخرفنا
الإثنين 26 أكتوبر - 7:24 من طرف 
