احلى سلام لعمنا حسام

معاك يحلى الكلام ياعم حسام

لانك زوق ومجدع وشهم وبتقدر تفرز الكلام
وقلبك دائما كبيرو بيضحك وبيسامح
الكل بيحبك لانك بتحب الكل وقلبك ابيض وزى الفل
كلامك نابع من ايمانك انك نفسك تشوف الكل فى احسن صورة
ودهه حقك لانك حبيب الكل
صحيح نقدك ساعات بيبقى زياده لكن نقد حلو وشربات يا سكر زياده

علمتنى اخاف وانا بكتب الكلام
احسن النقط تضيع من فوق الحروف وعلى السطور تسيح المعانى ويضيع الكلام
000000000000000000000

اختك نرفين ونورا وكل اللى فى المنتدى

قالو بابوحنفى اكتب احلى تحيه واحلى كلام لعمنا حسام

انا فتحت الباب والنهارده الكل لازم بشارك ويحى حسام
الكل يحرص ويحضر احلى كلام
واوع حد يغلط
ويكتب اى كلام ---------------اكبر تحيه مملوءه باسمى معانى الحب ليك يا حسام

الكل لازم بشارك وبقطف ورده من احلى بستان من عند حاتم ويهديها لحسام
اخوك (نور)
اللى بعدى(--------------------)

اكبر تحيه مملوءه باسمى معانى الحب ليك يا حسام
طبعا اكبر تحيه احنا عندنا كام حسام هو حسام واحد
انت الكبير ياحسام ولو كنت زعلان من حاجه مش تزعل
ورمضان كريم
وهو حد قدك ابو حنفى كتبلك احلى الكلام عقبالنا
وبقطف ورده من احلى بستان من عند حاتم وبهديهاليك
والله لو كنت عايز جنينه انت تؤمر
ومشكووووووووووووور ابو حنفى انت كده بدلع حسام بس يالاه مش مهم يوم من نفسه

اسمحولى اقطف ورده من البستان الجميل ده واقدمها لاخونا الجميل حسام
وعايزه اقولك ان انت منور المنتدى وعامل روح جميله جداااااا فيه
ومع ان كلام ابو حنفى جميل بس برده قليل عليك
وزى ماابو حنفى قال"الكل بيحبك لانك بتحب الكل وقلبك ابيض وزى الفل"

..........................................أختك همس الجنه

تسلم ابوحنفى ويسلم كلامك عبرت عن كل اللى عاوزين نقوله عن حسااااام...
حسام بجد انسان طيب جدا ومهذب ومثقف وأخلاقياته عاليه جدا
ومهما قلت انا مش هعرف اوصف قدره عندى ...هويستاهل اكتر من كده.
هومن أعز الأصدقاء عندى....هو زى ما انت قلت يانور
عاوز الكل فى احسن صوره...وبصراحه هو عاوز المنتدى دايما فى أزهى وضع ومكانه دايما بيتمنى ده...ودايما يتمنى ان العلاقه بين الأعضاء يكون فيها تقارب وألفه....
ودايما بيشارك ومتواجد على طول فى المنتدى ....ردوده دايما فيها خفه دم علشان يحصل تقارب بينا..
لكن اوقات فيها شده غرضه بيها لفت الانتباه لشئ معين فى الموضوع لتحسينه او تعديله...
انا عاوزه اوضح حاجه انا وحسام متعودين على الردود دى...هو حسام ده اسلوب نقده من قبل ما ادخل المنتدى ..هو من اوائل الناس فى المنتدى ...وده نهجه فى النقد وانا طبعا برد على نقده وبوضح قصدى..
لأنى فاهمه ان قصده تعديل ماينقده لتحسين القصيده...لذلك انا وضحت له رأيى....وعندما اشرت الى موضوع اسم الاشاره والتى كتبها سهوا بالطبع لأنه غير منطقى انسان ينقد ولا يعرف اسماء الاشاره...
فهومع سرعه الكتابه أخطأ سهوا زى اى حد بيغلط بس هو اللى علمنى بقى انى اخد بالى من الأخطاء دى اهى جت عليه بقى بالشفا ياباشا...فاتخذتها فرصه للهزار كعادتنا وقلت له انى مازلت احفظهم لو عاوزنى اساعدك...احنا متعودين الرد بهذه الصوره حتى بنعلق على الأخطاء الكتابيه..لنضفى جو خفيف على موضوعتنا وردودنا...انا طبعا مش زعلانه من حسام اطلاقا وياريت هو مايزعلش منى...
ولازم اوضح ان حسام قبل مايرسل رده على قصيدتى بلغنى بيه وانا قلتله هرد واتناقشنا فى ردى ده...
بس بعد كده زود موضوع الملحوظه بغرض الهزار مش اكتر...ياريت يا حسام مش تكون زعلت منى..

يا حساااااااام سيادتك رديت على القصيده دى ومردتش على خاطره لحد امتى هو الجديد بيغطى على القديم ولا ايه ..خد بالك السجن مفتوح لومش لقيت رد عليها...وارحمنى من نقدك شويــــــــة انصفنى مره ..دى صداقه ايه دى يارب.....
لكن حسااااام كأنسان انا افتخر بصداقته....لأنه بجد قلبه كبير جدا ومخلص لأصدقائه بجد...بس طبعه عقلانى جدا يعنى ردودنا فى المنتدى لابد منها ...ملهاش دخل بصداقه دى حريه رأيى وتعبير احنا فى المنتدى نفيد ونستفيد...
وبعدين كأصدقاء بقى حاجه تانيه اتعلمت منه النقطه دى بصراحه صحيح انا اكبر منه سننا بس اتعلمت منه.....
حسااااااام يارب يديم الصداقه بينا ويارب يهديك وترحمنى من نقدك وعسى ان تتقبل كلامى وان صح............شكرا يابوحنفى ربنا يخليك لينا ياسيدى ويخليلنا كلماتك الجميله دى..

ياسلام مين قدك ياعم حسام ابو حنفى بيكتبلك ،بس انت تستحق اكتر من كدة انت انسان طيب ورغم انى مش اعرفك معرفة شخصية ومتكلمتش معاك قبل كدة بس انت حقيقى انسان مهذب وطيب وانا بحب جدا اقرأ ردودك واناحقيقى بعتبرك اخ ليا
سندريلا

شكرا يا ابو حنفى على كلامك وانت طبعا اكتر واحد
ممكن يعبر عن رأينا فى حسام
حسام بجد محترم جدا وابن بلد ودمه خفيف
واحنا كلنا بنعزه ونحترمه .....واظن ان العلاقه
بينى انا ونرفين وحسام صداقه زياده شويه
علشان كده احنا بتحمل هزار بعض مهما كان
ومش ممكن نزعل من بعض ابدا .........
حسام اخ وصديق ..... وطبعا واضح جدا من
ردودنا صداقتنا وعلى فكره انا ونرفين
مش كنا بنعرف نكتب اى حاجه
طول الاسبوع اللى كان حسام مش بيدخل فى المنتدى
ما هى دى بقه عصابه نرفين نرد على بعض ممكن
لكن نزعل دى حاجه صعبه اوى مش كده ولا ايه
يا حسومتى
عموما يا حسام انا طبعا كل اللى قولته ده مش كفايه
انت تستاهل اكتر من كده وهاقولك رائى بجد
فى الكرسى اللى انت عارفه........؟؟؟

**شكرا ليك ابو حنفي علي كلماتك الجميله عن حسام ,
**وشكرا ليك انك اتحت لينا الفرصه علشان نشكر حسام علي مشاركته الفعاله في المنتدي ,وطبعا الاهم نشكره علي خفه دمه وعلي الجو الجميل اللي عمله في المنتدي.....

ربنا يخليكم لى يارب ومش اتحرم منكم ابدا واكون عند حسن ظنكم دايما وكل سنة وانتو طيبيبن وبخير واشوفكم دايما فى احسن حال ومن افضل الى افضل وانا مش لاقى كلامى اعبر بيه عن شكرى ليكم ومها كان نشاطى الفضل طبعا ليكم قبل منى واتمنى اكون دايما وسطكم ..............حساااااااااااااااااااااااااااااام

وانت طيب ياحسام طبعاابو حنفي هوه ده حسام اللي عرفناه من ردوده واكيد لما ربنا بيحب انسان بيحبب فيه كل الناس

» سؤال عن الاميلات
» حصري مسؤولون: نتنياهو يقترح عقد قمة سلام في مصر..
» ترحيب بالعضو عبد الرحمن
» مصر رابع أكبر مُساهم بقوات حفظ سلام في العالم
» ربنا يشفيك يا حسام