اصعب انواع الحب

الحب هو اجمل شيء في حياتنا
اصعب انواع الحب هو
الحب من طرف واحد
ما اقسي ان تحب الفتاه شخصا لا يدري بها
ولايدري بمكنون مشاعرها تجاهه
تهديه قلبا لا يملك غيره
تتمني ان يثني عليها باتساماته العزبه
ولكن
حبها لايقابله غير تجاهل
قديكون علي علم بحبها له
ولكن لايريد ان يبادلها حتي ولو بزيف في المشاعر
لايريد ان يحطم قلبها
تتقرب منه اميالا
يقابلها بالهروب
يختبيء من مشاعرها
وكانه يحتمي من النار
نعم اقسي انواع الحب
ان تتلززي بالعزاب
ولا تقدرين علي الهروب من دائره اللهيب
بيدي اذهب اليه لكي احترق كل يوم
لست ادري ان كنت اقدر علي الهروب من حافه الموت
ام ارتمي في احضان العذاب
وان كان هذا او ذاك
فهذا هو قدري
ماذا افعل حتي اشعر بوجودي؟؟؟؟؟؟؟؟؟؟؟؟؟؟؟

انا راى من راى حسام متعمليش اى حاجة سيبى الايام وهى تعرفك نهاية الحب من طرف واحد ايه وبلاش نضغط على اعصابنا بالذات فى امور الحب

الحب من طرف واحد هو اقسي انواع العذاب
وان كان الطرف الاخر لا يبادلنا هذا الحب فالافضل ان نحاول الابتعاد عن هذا الحب

مشكوره جانا علي ردك الجميل وهو ده المفروض تعمله اي واحده
حاسه اني حبها من طرف واحد
هو صحيح صعب انها تبعد
بس عزاب يوم اهون من عزاب العمر كله
حاتم

انا شايفه ان الحب من طرف واحد عمره ماهيستمر والواحد المفروض يخرج نفسه من الحب اللى من النوع ده لانه كده بيعذب نفسه على الفاضى وعمره ماهيوصل لنتيجه ايجابيه بالعكس ده تعذيب للنفس وخلاص

صعب حقيقي ان تحب من غير ما تتحب
وخاصه لما يكون حب بالاحاسيس دي

فعلان أصعب الحب انة يكون من طرف واحد ولاكن ممكن تلفتي نظرو اليكي وشوفي احساسو هيكون ايه وبكدة تقدري تقراري ان كنتي تبعدي او تستمري

الحب هو اجمل انواع الحياه المحسوسه ولكن اذا كان الحب من هذا النوع فمن وجهة نظرى انه لن يكتمل ليصل لكلمة حب الا اذا كان الطرف الاخر حاسس هذه المشاعرونا بصراحه قبلت الحب ده من شلب لكنى مكنتش عاوزه اكسفه فاطريت انى احاول انى اكره فيا بس هو حس بكده وقرب منى اكتر والحمد لله احنا على وشك الخطوبه وعن حب منى ومنه الحمد لله .عشان كده اى شب او فتاه تقع فى هذه المشكله تحاول ان تتدرس هذا الشخص ومن الممكن ان يتحول الى حب وتجده الانسان الاحق لها وله

اظن ان الحب من طرف واحد ده بيكون مرحله واغلب الناس بتمر بيها بس اكيد بعد كده بتكون زكرى جميله بس اظن انه مش ممكن يكون اكتر من زكرى

عارفه انتى هتمرى بعذاب شديد لكن عذاب يوم احسن من عذاب العمر كله والحب الحقيقى مش بيتخفى وراء قناع لازم يظهر ولو كان مش حقيقى نستنى ايام هتعمل ايه وصدقينى اخلصى النيه لله وربنا هيعوضك باحسن من اللى انتى عاوزه

الابتعاد عن هذا الحب هو افضل شيء
اكيد هاتتعذبي بس هاتكوني افضل بعد كده

انا يمكن مقدرش اقول راي في الموضوع ده
لاني بصراحه مجربتوش بس حصل العكس
اني كان في شاب معجب بيه وكان بيطاردني باستمرار
وصديته اكتر من مره
بس اكيد بيكون شعور صعب

هوه فعلا احساس صعب جدا وانا مع حاتم عذاب يوم ولا عذاب العمر كله ومينفعش انك تستمرى انك تحبى الشخص ده لانى ده مش هيبقى حب انا عارفه انه هيكون صعب عليكى بس صدقينى حاولى كل ما تفكرى فى الموضوع ده تلهى نفسك عنه بإى شئ اعملى شئ بتحبيه لو بتشوفيه كل يوم حاولى انك مش تديله اهتمام وحاولى متروحيش المكان اللى هوه فيه واهم شئ صدقينى وعن تجربه انك تحاولى تتقربى من ربنا اكترواكتر وادعي ان ربنا يعوضك بالاحسن منه وصدقينى بعد ما تنسيه هتعرفى ان ده مكنش حب لأن الحب ارقى من كدة الحب احساس متواصل بين اتنين بيفهموا بعض وبيحسوا ببعض وبيكملوا بعض والحب المفرض انه بيكون مصدر سعادة للحبيبين مش مصدر تعاسه وحزن وعذاب والم
سندريلا

انا معاكى ان الحب من طرف واحد فعلا اصعب انواع الحب لانك بتدى مشاعرك لانسان مش حاسس باى حاجة
كل اللى اققدر اقولهولك ربنا معاكى ويقدر كل دة

nourhan

متهيالى انه صعب ان بنت تصارح شاب انها بتحبه وكمان صعب اوى انك تستمرى فى حب حد من طرفك انتى بس انا من وجهه نظرى الحب هو تبادل فى كل حاجه تبادل فى مشاعر وتفكير وفى حياه مشتركه مينفعش تدى بس ومينفعش بردو تخدى بس لو فكرتى شويه اكيد هتلاقى حل بس انتى قررى تفكرى وتوصلى لحل وانتى اللى تختارى مش حد تانى

اسوا حاجة ان الواحد يحس انه بيحب وبيدى من غير اى كلمة حلوة من اللى بيتحب
واصعب احساس هو الحب من طرف واحد فعلا بيبقى صعب قوى
nourhan

اصعب انواع العذاب
انك تحبي واحد مش حاسس بمشاعرك
مشكووووره رنا علي التوبيك الجميل

شوفى رنا انتى بتتكلمى عن اصعب احساس فى الوجود اصعب الم بيرمى الانسان قلبه فيه.الحب من طرف واحد احساس يموت انك تعيشى كل لحظه انتى وخيالك بس اى كلمه او اشاره من اللى بتحبيه هيفسرها قلبك المسكين على هواه ويعيش فيها بالامل ويفوق على الوهم. انتى قلتلى( قد يكون على علم بحبها ليه ولكن لا يريد ان يبادلها حتى بزيف فى المشاعر) يعنى انسان صادق مع نفسه لايلام عليه. بصى حبيبتى قلوبنا امانه فى ايدينا لازم نحافظ على الامانه ونحميها جمدى نفسك شويه واتحملى انك تبعدى عن اى سيره ليه ..مع الوقت وقدرتك وحفاظك على نفسك من اى جرح هتقدرى وتتعودى هتتعبى شويه لا كتييييير بس التعب هيقل مع الوقت لحد ما يرووح خالص بأذن الله....ربنا يوفقك ويحميكى ويرزقك بالحب المتبادل الصااااااادق .... (مش عارفه الموضوع ده يخصك ولا يخص غيرك لكن انا اقصد بيه اى انسان يحس بالحب من طرف واحد)

انا بصراحة مش متفقة مع حسام فى رائية ان الواحدة تحب لمجرد الحب حتى لو حب من غير امل يعنى ازاى واحدة تحب واحد وهى عارفة ومتاكدة انو عمرة ما فكر فيها ماينفعش دى تبقى بتعزب نفسها والحب عمرة ما كان الم وجرح الحب سعادة وفرح ولازم يكون الحب بين قلبين مش قلب واحد