يوميات مشرف في المنتدي (2)

انا عاوز بقى ردود تقولوا رأيكم علشان اكمل
الاسماء اللى انا قولتها اللى فاكرها من زمان ممكن ناس مشيت او غيروا اسماؤهم
وياريت محدش يزعل منى اما يلاقى اسمه
ابو حنفي : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدك معايا يا مازن وسيبك من ميدو ومشاكله علشان نفتح الساعة داخلة على سبعة والنهار شقشق

مازن: سمى انت وادخل يا ابو حنفي .... ومتنسا ش ترش ميه علي باب المنتدي.... أنا عايز أنام شوية

ابو حنفي : ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى هنحذف منه وإيه اللى هنحرقه بجاز

مازن : أهي نورا وجنا ورحمه ومندي وسمر وماريو جم أهم...خليهم يبتدوا معاك على ما احلق دقنى واتشطف

ابو حنفي : على فكرة ياجماعة ماريو ده زهقنى من عيشتى... أنا مش ملاحق علي....ده تشوفولكم صرفه معاه

رحمه: أنا رأيى إن ماريو ده نعمله اجنور او نعامله معاملة فاقد الأهلية

ماريو : انا عملت حاجه الدور والباقى على مندي ونورا وايناس و ابو حنفي ...مثقفين زيادة عن النسب المسموح بيها فى أى منتدى....كلام فى الدين شوية والسياسة شوية والإرهاب شوية والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم فجأة نقلوا عالم الموسيقى والفن التجريدى والالعاب الكتابيه علشان ننسى الكلام التقيل

ابو حنفي: أنا شايف إن أخطر الموجودين على الإطلاق نورا .....عامله ركن للسلطة فى باب المطبخ وسببت تلبك معوي
سمر:لالالالا انا شايفه اني الخطر الكبير هو عدو المراه مش عارفين بينه وبين البنات ايه
نورا : انت هاتقوليلي يا حبيبتي هو يضرب الموضوع من هنا ومشوفش وشه
مازن : وسع ياجدع شريف المصري وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة كل واحد فيهم عامل فيها شيخ الإسلام وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ماحد منا يشوفوه يروح لازقه إنذار لحد ما يزهق من عيشته ويخلع لوحده

ابو حنفي : إحنا معاك يا شريف .....لازم نقف لهم وقفة رجالة...قتل السياح حرام وجوازعتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى المنتدى ولا ايه رايك يا ايناس

ايناس : أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

جنا : عفارم يا ايناس...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى

مندي : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

مازن : يامندي معلش مع إحترامى فى كام واحد جايين جداد هنا محتاجين شوية ترصيص وظبط زوايا ولا البنات كل ما يحسو انهم اتهزمو في لعبه يقولو مش لاعبين غيرولنا الشروط

الحلقة الجاية هحكيلكم عن زيارة السيد الرئيس للمنتدى
عاوزين تعرفوا ادارة المنتدى هتتصرف ازاى .... تابعوا الحلقات
عادل
كفايه بقى كده علشان ماحدش يفكر يقتلنى

انا موافقه جدا يا عادل على موضوع نتف الريش ده
بصراحه نفسى اوى اعمل كده بس مش عارفه ازاى
هههههههههههههههههههه
يوميات جميله اوى يا عادل
مشكووووووووووووووور