القهوه ساده ياساده زى العاده

القهوة ساده
سالنى واحد باشا

ليه بتشربها ساده

قلت له زى العاده
قال ليه مش زياده
قلت له السكر للساده

والمر للغلابه

الزمالك ليكم يا باشا

والدويقه للارامل واليتاما
ضحك الباشا هههههه
وقالى اشربها من عندى

المرة دى زياده

صرخت فيه بعزم ماعندى

فى الدويقه ياباشا
النهارده الف جنازة
سالنى بهدوء الدويقه فين؟
ليها على الخريطه مكان؟
ضحكت وقلت له

اه تصدق لها مكان

تحت امريكا

لاء فوق الصين
سؤالك والله حيرنى
وخلانا انا كمان
اسال نفس السؤال
الدويقه دى فين؟
فى بولاق ولا السبتيه
فى امبابه ولا الكتكات
فى العبور ولا الشرابيه
فى عين شمس ولا فى
الالف مسكن ولا فى الطالبيه
فى المنيب و لامدكورولا فى العباسيه
فى البساتين و لاطره
ولا فى كوستريكا و لانزله السمان
فى غمرة ولا فى شبرا ولا فى عابدين
فى السيده ولا فى الحسين
الدويقه فين ولا فين
الحمد لله اننا لسه عايشين
وكل الناس فى الالف دويقه

لسه على رجليهم واقفين
لكن ياخوفى اصح فى يوم
الاقيهم تحت الارض موجودين
وبرضو الباشا بيضحك ويقولى
اصلهم هما اللى غلطنين
فى كوم الزباله ليه عيشين
مالها جاردن سيتى
ولا الزمالك
ولا مصر الجديده عند عمتى
صرخت فى الباشا
حرام عليك
عمتك وجوزها واولادها
سبب بلوتى
ربنا يحفظك يابلادى
وكل يوم كفايه جنازة
مش الف جنازة
لكن هاافضل
اشربها ساده
دائما زى العاده

ليه كده ياابو حنفى انا قرات الخاطره دى وانا مزاجى حلو بس لما قراتها افتكرت الحاجات اللى تعكر المزاج
بس مش بسببك طبعا لأ بسبب التفاعل مع كلامك الحلو
بجد كلامك جميل اوى
اه من الحق كنت هنسى هى الدويقه فين؟؟ على فكره ممكن تكون عندنا ههههههههه

ابو حنفى

لاء مينفعش غير اقولك

استاذ نور

بجد انا فرحانه بيك

بتحبها قوى كده
رغم بعدك عنها وسفرك خارج ارضها عايش معاها ومع مشاكلها

مش كتبر عليك لانك ابن اعظم بلد مصر الحبيبه

امنا كلنا واللى حضنها بيضمنا كلنا من الشرق والغرب

انا يشكرك وتعبت مش لاقيه كلام كل مرة اقولك حيرتنا ومتعتنا بكلامك الجميل الهادف
ومن خلالك

اقدم اسفى ومشاركتى مع كل الاعضاء فى مصر احزانهم واقولهم
ربنا يجعلها اخر الاحزان

وصدقنى فى كل بلد عربى
الف دويقه
وكلنا بنشربها زيك ساده
شكرا كتير من مصر ام الدنيا لك فى اجمل واغلى بلاد الدنيا ليبيا

انا مش متعود ارد على كلام الاخوة اللى بيشرفنى وبيسعدنى كل كلامهم

ودهه مش تكبر والله لكن بكون مكسوف والكلام بيهرب منى والله

لكن احب ارد على النقد علشان اتعلم

ودائما الكل كريم معاي وبتقولو كلام كبير جدا انا مستحقش ربعه

لكن كلامكم كله بيسعدنى وبيكون اكبر ونبس لى هنا فى الغربه

واتمنى عمنا حسام يستلمنى شويه
انا اتحمل ياعم لكن انت تنور عند اخوك ابو حنفى

اللى خلانى ارد النهارده حاجه بجد فرحت بيها جدا

وهى الاخت سماح من ليبيا وردها ومشاركتها لينا احزانا على شهداء الدويقه

بجد انتى منورة ام الدنيا مصر الحبيه
واشكرك بالانايه عن كل الاخوة وبقولك اهلا بيكى ورده وسط البستان

عظم الله اجرك

واخد بالى يانورا

لكن عاوز اقولك كلمه اوعى حد بسمعها غيرك

من هانت عليه دمعته هان على كل الناس

شكرااااااا نور على موضوعك