لو بطلنا نحلم !!!!

محمد منير قال لو بطلنا نحلم نموت
انا طبعا مع الموضوع ده جدا وشايفه ان
الحلم ده هو اللى بيخلنا نقدر نتحمل كل
ضغوط الحياه
بس تفتكرو لو فضلنا نحلم واحنا مش قادرين
حتى نحقق الحد الادنى من الاحلام يبقه احنا كده
عايشين ؟
اصعب حاجه فى الدنيا ان السنين تعدى والانسان
حاسس انه واقف مكانه مش بيتحرك وكل ما يحاول يجتهد
علشان يقرب من حلمه الحلم ده يبعد اكتر
وعلى فكره الاحلام مش بالضروره تكون ماديه
علشان الجماعه بتوع الكفاح مايقولوش احنا واقفين ومش بنحاول
نعمل حاجه احنا فى زمن مهما نعمل يادوووووووب بنقدر نحلم بالعافيه
مع الاعتذار لمحمد منير
يعنى اما نبطل نحلم ونموت او نفضل نحلم لحد ما نتجنن

الموضوع جيمل جدا وعلى فكرة الاحلام الوحشة بس هيه اللى بتتحقق بسرعة يعني الكاوبيس بس هيه اللى تتحقق بدون ادنى مجهود هههههههه
وكمان مش حلو ان الواحد يفضل يحلم احلام حلوة على طول ده مضر بالصحة ويؤدى إلى الانهيار

والله يا نورا عندك حق بس ماهو مش معقول الحياه تكون صعبه كده كلها زحمه وصراعات وفى وسط الزحمه بتوه المشاعر والاحاسيس والمعانى الحلوه واحنا واقفين هنعمل ايه يعنى غير اننا نحلم واهو حلم كل واحد يحلم زى ماهو عاوز ده الشئ الوحيد اللى مش عليه لارقابه ولا حجر....وطبعا بما اننا فى مجتمع مش بيتحقق فيه اى حلم لأن الأحباطات فى كل حاجه يبقى الواحد يحمد ربنا انه قادر وعارف يحلم.....ولما مش يحقق حلمه زى كل الناس لازم يحمد ربنا ويقول ده قدرى ويرضى بده ويتأكد ان ربنا عمله الخير فى عدم تحقيق حلمه ياعالم لو كان الحلم اتحقق كان جراله ايه ......شكرا يا نورا يارب انتى بقى تحققى حلمك....وانا عارفه حلمك كويس..... اكيد عاوزة تفجرى البلد ما انا عارفاكى شرانيه ...ربنا يحميكى حبيبتى.......شكرااااااااااااااا

واللة يا نورا عندك حق فى كلامك بس احنا ممكن نحلم احلام صغيرة كدة على قدنا زى مثلا ان احنا نشترى 2كيلو مانجة وان شاء اللة نقدر نحقق الحلم دة بعدها ممكن نكبر الحلم شوية ونحلم نشترى بسكلتة صغيرة كدة للاطفال وبلاش نتهور ونخليها بسكلتة كبيرة اصل كدة نفوق من الحلم ونكتشف اننا مش معانا ثمنها!!
كلام بجد بقة الحلم طبعا حق مشروع وطبيعى لكل انسان بس المشكلة مش فى الاحلام المشكلة فى طموحاتنا التى فاقت كل الاحلام وليس لدنيا الرصيد الكافى من الامكانيات لتحقيق ربعها حتى!!
ومع ذلك بردة لازم نفضل نحلم ومع الحلم سعى واجتهاد ودعاء للة عز وجل ان يحققها لنا
وربنا يوفق الجميع ويوفقك وتحققى كل اللى بتحلمى بية
على فكرة نسيت اسالك هية احلام كتيرة ولا حلم واحد بس؟
شكرا نورا على موضوعك

احنا لازم نحلم فعلا بس نحلم على قدنا ولا اقولك حتى الاحلام البسيطة جدااااااا مش بتتحقق بس برضه هنفضل نحلم دة حتى يانورا احلام الليل والانسان نايم بقت كلها كوابيس
مع انى فرويد قال ان الحلم بيخفف الضغوط اللى على االانسان فى كتابه تفسير الاحلام
بس اقولك برضه لازم نحلم
سندريلا

مشكوووووووره نورا علي موضوعك الرائع بس انا شايفه ان الحلم
في حد ذاته حياه وانا متفقه مع حسام ان لازم يكون الحلم مناسب
ربنا يوفقك

*انا كمان متفقه مع راي حسام.
*الاحلام كتير منها بيتحقق بس مهم جدا ان احلامنا تتناسب مع امكانيتنا وظروفنا,
*يعني ما ينفعش نحلم بشئ يستحيل تحقيقه ونقول ان احلامنا مش بتحقق.
*والاهم اننا نحاول تحقيق أحلامنا و ما نعتمدش علي ان شخص تاني يحققها لينا.