لازم نغير بايدينا؟؟؟

زهقت من المنتدى؟؟؟ صح؟؟ قولى صح وريحنى ومتقعدش تهز فى دماغك كده
طب قولى....... ايه اللى زهقك من المنتدى؟؟
هتقولى طبعا مش عارف
اقولك انا:
انت يا سيدى بتدخل المنتدى تلاقى المواضيع كلها منقوله والافلام كلها اتفرجت عليها
وكل العاب المنتدى لعبتها ومليت منها
صح كلامى؟؟



طب هات ودنك واسمعنى:
بص يابنى انت ابن حلال وانا ارتحتلك وعلشان كده هقولك تعمل ايه
بص يا سيدى
بصيت؟؟
بص كمان ولو لابس نضاره اقلعها علشان تسمعنى كويس


أقولك على حاجه بس اوعى تزعل منى؟؟؟
انت ممكن تكون السبب فى كل ده
ايوه

ايوه انت


ليه يا سيدى اقولك ليه؟؟؟ انت طبعا اول ما بتدخل الموضوع بتقرالك منه كلمتين وتروح خارج او لو كنت عايز تجبر بخاطر البنيه او الواد اللى كاتب الموضوع بتروح قايل شكرا قبل ما تقرا سطرين على بعض من الموضوع

لالالالالالالالالالالالالالالالالالالالالالالالالالالالالالالالالالالالالالالالالالا غلط يا بيه


اللى حاطط الموضوع اصلا بيبقى عايزك تستفيد منه اكتر من انك تقوله شكراوترد عليه رد معقول يناسب الموضوع او تعرض فكرتك عن الموضوع بشكل مناسب


أهو كده تفتحوا نفس الواد للشغل ويبقى ليه نفس يكتب مواضيع جديده
يعنى الواد يطلع عينه علشان يكتب الموضوع او يقعد يمحص فى النت علشان ينقلك موضوع حلو او خبر جميل
وانت فى الاخر متعبرهوش؟؟؟؟؟؟؟؟

طب انا راضى ذمتك ............ده يبقى اسمه كلام؟؟؟؟؟



*** وطبعا حاجه تانيه
المواضيع المنقوله يا جماعه لازم نحاول بجد انها متكونش حشو وخلاص
فاهمنى يابنى؟؟ يعنى تبقى مفيده ومواضيع جديده كده مش قرناها 100 مره قبل كده

وفيه حاجه كمان عايز اتكلم فيها وهى المواضيع القديمه بتاعة منتدانا
يعنى حضرتك تقلب فى اللى فات هتلاقى مواضيع جميله اوى وطبعا فيه مننا كتير عارفها
انت بتدخل عامللى نفسك بيل جيتس ومش بتبصلى الا على اخر 20 موضوع



تدخل المنتدى علشان تردلى على موضوعين من الـ20 موضوع دول

_____________________________________

طب يبقى ليك انت يا استاذ يا محترم : الله اعلم انا بحبك قد ايه وبنصحك كده لوجه الله بس لو مصحصحتش معايا



* فكرت فى مره تخدم المنتدى؟؟

هتقوللى ازاى؟؟ هقولك ان انت اللى تبحث وتدور تجيب معلومه مفيده فى شكل موضوع تنقل موضوع جديد

جربت تكتب بايدك؟؟

ايوه
تكتب بايدك





منتداك هو بيتك التانى اللى تعبر فيه عن رايك بكل صراحه ايوه بكل صراحه
وفى حدود المقبول والمعقول

*حاول انك تقرب من الاعضاء اكتر
وخللى الحب والود هو لغة الحوار بينكم



انت يا استاذ................. يا استاذ اصحى
يا استااااااااااااااااااااااااااااااذ

ونام الاستاذ قبل ان يفعل شىء فى المنتدى

ياترى هتنام انت كمان؟؟؟



يارب يكون الموضوع عجبكم والله ولى التوفيق

موضوع هايل ويا رب كل واحد شتغل علي قد المسئوليه اللي عليه
مشكور حاتم علي موضوعك

موضوع هايل والهدف منه رائع
مشكور ادمن علي موضوعك

موضوعك هايل ولذيذ جدا ويا ريت كلنا نفهم الدرس

مشكور حاتم علي موضوعك قدرت تعبر عن اللي انت عايز تقوله باسلوب ذكي

مشكور حاتم علي موضوعك الهادف

مشكور حاتم علي موضوعك الرائع والمفيد

مشكور حاتم علي موضوعك الجميل