لماذا تشعر البنت باختلاف كبير بعد الزواج

انا مش عايزه الراجاله تزعل منى بس فى الحقيقه كل اللى هاقوله ده بيحصل فعلا
ديما الراجل بعد الزواج بيتغير جدا كأنه واحد تانى
يعنى الراجل فى الخطوبه بيكون عايز البنت فى صوره
معينه وبعد الزواج عايز واحده تانيه خالص يعنى مثلا
1-ما تتكلمش مع غيره
ديما ساكته مع الناس تتكلم معاه هو وبس ولو كانوا فى مكان عام
توجهه كلامها كله ليه لانها لو اتكلمت او ضحكت
مع حد تانى ممكن الناس تفتكر انه مش عاجبها او مش مقتنعه بى
لكن بعد الزواج عايزها اجتماعيه تتكلم مع كل الناس .... مش ديما
ساكته لانها لو سكتت برضو هايقوله انها مش بتحبه ومش عايزه
تتضايف اهله واصداقاءه
2-تغير عليه جدا
طبعا مفيش واحد خاطب مش بيفرح اما يحس ان خطيبته
بغير عليه وياسلام بقه لو الغيره دى ظهرت ادام الناس
بيحس انه عنتر زمانه والراجل اللى مفيش منه
بعد الزواج بقه الموضوع مختلف بيضايق جدا من الغيره
ويحس انها خانقه ولو ظهرت ادام الناس بيحس
انها ممكن تأثر فى علاقته بأهله واصدقائه
3-اهتمامها بنفسها
ديما الراجل بيحب يشوف خاطبته فى احسن صوره
لبس شيك برفان جامد تسريحه شعر تهبل
طبعا هو كان دافع حاجه من جيبه ماهو بابا هو اللى بيدفع
لكن بعد الزواج بقه بيكره سيره الكوافير واللبس الشيك
والبرافانات وبيشوف انها حاجات هايفه ومن الكماليات
علشان هو اللى هايدفع طبعا
4-لديها صديقات
فى الخطوبه فرحان جدا انها ليها صديقات على الاقل
هاتخرج معاهم وتخف عنه كلمه خرجنى وفسحنى والكلام المكلف ده
كمان بيكون مبسوط اوى وهما صاحبتها بيكلموا ويسلموا عليه
ويستعرض خفه دمه ادامهم
فى الزواج يكره جدا انشغالها مع صديقاتها ولو حتى لدقائق
على التليفون ... وكمان علشان ما يحصلش مقارنه بينه بعد
ما اصبح زوج ممل وكائيب وبين خطيب صاحبتها اللى لسه
بيستعرض خفه دمه زى ما هو عمل قبل كده

انا مش قصدى طبعا ان الرجاله مش طبيعيه ولا عندها شيزوفرينيا
ابدا....ابدا خالص هو كل واحد عارف نفسه

ميرسى يانورا على موضوعك..
بس انا مختلفه معاكى فى الرأى شويه...
ان الراجل مش عاوز خطيبته تتكلم مع غيره هو نفس شأن الزوج عاوز الكلام والاهتمام ليه واحده وبالاخرين ايضا ولكن الاهتمام الاول والاخير به شأن الخطيب هو نفسه شأن الزوج..

نقطه الغيره دى يحبها جدا الخطيب ويعشقها الزوج...لانه بكده بيحس انه بغيرتها عليه هو مازال يشغل كل عواطفها وعقله..

اهتمامها بنفسها من الطبيعى ان تهتم البنت بنفسها وقت الخطوبه فهذا امر طبيعى لقله الوقت الذى ترى فيه حبيبها فتريد ان يراها بأحسن مظهر ....ولكن بعد الزواج تعيش معه طول اليوم فلا تجد الوقت الذى يجعلها دائما متزينه له....ولا يعنى هذا اهمالها لجمالها وتزينها واهتمامها بنفسها...
فالزوج يتمنى هذا الشئ دائما لتجديد حياته واشعاره بحبها له لأن هذا الاهتمام من اجله فقط..

اما عن الصديقات فالعكس الخطيب يريد كل وقت عندها له لانه من المفروض ان لا يشاركه احد فيها
فاى فرصه للخروج يريد اقتناصها حتى لو يقعد على الكورنيش يا ستى...لكن بعد الزواج يتمناها دائما مشغوله مع صديقاتها حتى يستطيع ان يخرج هو ولاتسئله اين ذاهب ومتى ستعود ولما تأخرت فتجد من يشغلها عنه...

انا مش عارفه ازاى رأينا اختلف...بس احسن علشان العين والأر ياأختى..

اما انت ياسى ماااازن عاوزة اقولك ان احنا اللى بنتصدم فيكم...بعد الحب والرومانسيه ...
ده كله يروح وتظهر الحقيقه البطيخه والجرنال واجروا ورا الاتوبيس...
ياعينى علينا يا بنات حوااا من ظلم وافترا ولاد ادم...

نرفين يا حبيبه قلبى لكل قاعده شواذ
واللى بتتكلمى عنهم دول هما الشواذ
الراجل فعلا بعد الزواج ممكن يكون بيحب
البنت تكون مهتمه بنفسها بس بشرط انه مايدفعش
وكمان مفيش راجل بيحب ان مراته طول الوقت يكون
كلامها معاه هو لوحده يحب انها تكون اجتماعيه
وتتجاوب مع كل الناس وخاصه مع اهله واصدقائه
اما بقه حكايه صديقاتها فادى حقيقه فعلا كل رجل بعد الزواج
بيغير جدا من صديقات مراته خصوصا بقه اما تتشغل بيهم
شويتين لكن فى الخطوبه بقه يفضل يقولها اللى تحبيهم انا احبهم
والى يهموكى يهمونى طبعا والكلام اللى ما بيأكلش عيش ده
وزى ما مازن قال قبل الزواج حاجه وبعد الزواج حاجه
وحسام قالك دوام الحال من المحال يعنى هما ادرى بنفسهم
وعارفين ان الرجاله مش بتثبت على حاله( شيزوفرينيا)
زى ما انا قولت
وشهد شاهد من اهلها ..........
وكويس برضو ان انا وانتى نتخلف على الحاجات دى علشان العين

**اكيد بيحصل اختلاف كبير بعد الزواج ,بس علي فكره نورا الاختلاف ده بيشمل الطرفين وليس الزوج وحده....
**وطبيعي حدوث هذا الاختلاف لاختلاف اشياء كثيره ومنها تحمل كلا منهما مسئوليه الاخر وتحمل أعباء الحياه الزوجيه والمعيشه.......
**وكمان لان الزوجين بعد الزواج بيكتشف كلا منهما حقيقه الاخر والمفروض ان اي شاب وفتاه يكونوا مدركين لده تماما ولا يتوقعوا ان تكون الحياه الزوجيه امتداد لفتره الخطوبه ......
**وعلي فكره نورا سعاده الزوجين واستقرار الحياه بينهما يرجع بنسبه كبيره الي الزوجه........

طبعا يا نورااااااااا الراجل بطبيعته مضياف يحب يبقى بيته دايما عمران
عشان كده عيز مراته تبقى اجتماعيه مش تكشر فى وش ضيوفه او قرايبه بمعنى اصح
اما هى
كسلااااااااااااااااانه
لسه هطبخ واروق وانضف واجهز يووووووووووووه دى عيشه تخنق

مشكورة نورا على موضوعك الجميل